بیرلشگن ملتلر تشکیلاتی لیبیاده آتشکیسین نی نظارت قیلووچی بیر گروپ جایلشتیردی
اوشبو خبر بیرلشگن ملتلر تشکیلاتی تامانیدن بیریلدی
بیرلشگن ملتلر تشکیلاتی لیبیاده آتشکیسین نی نظارت قیلیش میکانیزمی نی قوللب – قوتلش مقصدی بیلن کیچکینه بیر گروپ جونه تیب جایلشتیردی.
بیرلشگن ملتلر تشکیلاتی باش منشیسی سوزچیسی استفان دواریک کونده لیک مطبوعاتی کنفرانسیده مذکور گروپ نینگ توناون کونی کیچه اولکه گه ییتیب بارگن لیگینی و 5+5 عسکری کمیسیون بیلن بیرگه لیکده مصلحت قیلیب لیبیالیکلرنینگ باشچیلیگیده گی آتشکیسین نی نظارت قیلووچی میکانیزم گه یاردم بیره جگینی ایتدی.
دواریک لیبیاگه جونه تیلگن گروپ نینگ نیچه کیشیدن عبارت ایکن لیگینی ایتمه دی.
بیرلشگن ملتلر تشکیلاتی لیبیاده دایمی آتشکیسین نینگ تامین ایتیلیشی و آتشکیسین نی نظارت قیلیش مقصدی بیلن بو اولکه گه خلق ارا کوزه تووچیلر جایلشتیره جگینی اعلان قیلگندی.
5+5 مشترک عسکری کمیته سی ایسه لیبیاگه بیرلشگن ملتلر تشکیلاتی نظارتیده قورالسیز و عسکری کییمسیز خلق ارا نظارتچیلر جایلشتیریلیشینی خواهله گندی.
علاقه لی ینگی لیکلر
پروده یوزبیرگن بس حادثه سیده کوپلب کیشی جان بیردی
پروده یولاوچی بس بیلن یوک موتری نینگ توقنه شیب کیتگن لیگی بیلدیریلدی