قرغزستان ده 3 مارچ بیراق کونی ایتیب نشانلنماقده

قرغزستانده 3 مارچ دولت بیراق کونی مناسبتی بیلن اولکه مقیاسیده رسمی مراسملر اویوشتیریلدی.

پایتخت بیشکیک ده گی بیراق مراسمی اله تو میدانیده بولیب اوتدی.

مراسم ملی مدحیه بیلن باشلرکن بیشکیک نینگ وقتینچه لیک بلدیه باشلیغی بختی بیک خدای بیرگنوف صحبت قیلدی.

خدای بیرگنوف "پارلمان بوندن 29 ییل مقدم یعنی 1992 – ییل 3 مارچ کونی قرغزستان دولت بیراغینی قبول قیلدی. مستقل قرغزستانده بیراق ایلک مرته 1992 – ییل 5 مارچ کونی تیکیلدی. دولت بیراق کونی 2010 ییلیدن بیری رسمی مراسملر آرقه نشانلنماقده دیر" دیدی.

قزاقستان نینگ پایختی نور سلطانده رسمی سفر آرقه لی اوچره شوولرگه دوام ایتیب تورگن جمهور باشلیغی صدر جباروف هم 3 مارچ بیراق کونی مناسبتی بیلن نشر قیلگن پیامده قیزیل بیراق نینگ اولکه نینگ مستقل لیگینی و ایرکین لیگینی تمثیل ایتگن لیگینی قرغز خلقی نینگ معنوی قدریتلرینی و تاریخی یولینی نمایان قیلگن لیگینی اورغوله دی.

اجدادلری نینگ عنعنه لرینی سوردوریب اولکه نینگ کیلجگی اوچون فقط بیر بیراق آستیده بیرلشیشی کیره ک لیگی گه اشاره قیلگن جباروف خلق نینگ دولت بیراق کونینی قوتله دی.

دولت بیراق کونی ییل لیگی مناسبتی بیلن وطنداشلرینی قوتله گن باش وزیر اولوغ بیک معروفوف ایسه بیراق نینگ هر بیر وطنداش اوچون فخر ایکن لیگینی و وطن سیورلیک نینگ روحینی و دولت گه قرشی حرمت قیلگن لیگینی ایتدی.

قرغزستان بیراغی قیزیل رنکده و اورته سیده قیرق نورلی قویاش، قویاش نینگ ایچیده قرغزلر اوچون کتته اهمیتی بولگن کیگیز چادیرنینگ اوستیده گی نقشه دن عبارت.