سعودی عربستان ولیعهد شهزاده سی محمد بن سلمان گه قرشی تحریم طلب قیلیندی

بیرلشگن ملت لر تشکیلاتی نینگ ناقانونی و اوز باشیمچه اعدام لر بوییچه خاص راپورتری اگنس کالامار, امریکا قوشمه ایالتلری نینگ ژورنالیست جمال قاشقچی نینگ اولیمی بیلن علاقه لی جنایت بوییچه راپوری نینگ اعلان ایتیلیشی آرتیدن, سعودی عربستان ولیعهد شهزاده سی محمد بن سلمان نینگ شخصی بای لیک لری گه قره ته تحریم تطبیق ایتیلیشی کیره ک ایکن لیگی نی معلوم قیلدی. 

کالامار, بیرگن یازمه بیاناتیده, قاشقچی جنایتی بوییچه مسئول باشقه کیشی لرنینگ هم بای لیک لری گه قرشی تحریم تطبیق ایتیلیشی نینگ ضروری ایکن لیگی نی بیلدیردی. 

قاشقچی نینگ اولدیریلیشی امری نی بیرگن کیشی لرنینگ جزالنتیریلیشی نینگ عدالت نینگ تامین ایتیلیشی بوییچه مهم بیر قدم بوله دیگن لیگی نی بیلدیرگن کالامار, دولت رهبری بولمه گن ولیعهد شهزاده گه قرشی ملکی دعوی لر آچیلیشی نینگ ممکن ایکن لیگی نی معلوم قیلدی. 

امریکا قوشمه ایالتلری استخباراتی نینگ راپوریده, سعودی عربستان نینگ استانبول باش قونسلگرلیگی ده اولدیریلگن ژورنالیست جمال قاشقچی نینگ اولدیریلیشی بوییچه امرنی تصدیق له گن کیشی نینگ ولیعهد شهزاده محمد بن سلمان ایکن لیگی بیلدیریلگن ایدی. 

امریکا تشقی ایش لر وزیری انتونی بلینکن ایسه, راپور نینگ اعلان ایتیلیشی آرتیدن قاشقچی نینگ عایله سی و باشقه مخالف کیشی لر نی تهدید ایتگن لیک لری انیقلنگن 76 نفر سعودی عربستان وطنداشی گه قرشی تحریم تطبیق ایتگن لیک لری نی معلوم قیلگن ایدی.