جو بایدن تلفن آرقه لی سلمان بن عبدالعزیز بیلن سوزله شدی

اوشبو توغریده آق اوی تامانیدن یازمه بیانات بیریلدی

1591150
جو بایدن تلفن آرقه لی سلمان بن عبدالعزیز بیلن سوزله شدی

امریکا قوشمه ایالت لری دولت رهبری جو بایدن, تلفن آرقه لی, سعودی عربستان پادشاه سی سلمان بن عبدالعزیز بیلن سوزله شدی.

آق اوی تامانیدن بیریلگن بیاناتده, صحبتده منطقه مقیاسیده گی خوفسیزلیک مسئله لری بوییچه سوز یوریتیلگن لیگی بیلدیریلدی. 

اوشبو دایره ده, یمن ده گی اوروش نینگ اداققه ییتیشتیریلیشی اوچون بیرلشگن ملت لر تشکیلاتی و امریکا قوشمه ایالتلری تامانیدن آلیب باریلیاتگن دیپلماتیک سعی و حرکت لر و ایران طرفیدن حمایه له نیاتگن گروه لرنینگ هجوم لری گه قرشی سعودی عربستان نینگ قورینیشی بوییچه امریکا نینگ قرارلی لیگی نینگ اورغولنگن لیگی معلوم قیلیندی. 

بیاناتده, امریکا نینگ سعودی عربستان لیک مدنی فعال لرنینگ قوییب یوباریلیشی نی خرسندچیلیک کوتیب آلگن لیگی بیلدیریلدی. 

بایدن بیلن بن عبدالعزیز نینگ, اورتاق منفعت و قیغو لر بوییچه بیر یقه دن باش چیقاریش توغریسیده اوز ارا کیلیشیب آلگن لیک لری معلوم قیلیندی. 

عینی دمده امریکا قوشمه ایالتلری تشقی ایش لر وزیری انتونی بلینکن هم سعودی عربستان لیک کسبداشی فیصل بن فرحان السعود بیلن تلفن آرقه لی سوزله شدی. 



علاقه لی ینگی لیکلر