ونزوئلاده مخالفلرنینگ رهبری خوان گوایدو 15 ییل گه دولت وظیفه سی دن چیتلشتیریلدی

ونزوئلا ده ملی مجلس نینگ سابق باشلیغی خوان گوایدو و مخالف سابق 27 وکیل, دارایی لری نی بیلدیرمه گن لیک لری سببلی 15 ییل گه دولت وظیفه سی دن چیتلشتیریلدی. 

ونزوئلا مطبوعاتیده بیریلگن خبر لر گه کوره, ونزوئلا جمهوریتی محکمه سی باشلیغی ایلویس آماروسو, گوایدو و سابق 27 وکیل نینگ 2015-2020  دوری ده ملی مجلس وکیل لیگی وظیفه سی جریانیده مجبوری بولیشی گه قره مسدن دارایی لری نی بیلدیرمه گن لیگی نی معلوم قیلدی. 

آماروسو, اوشبو کیشی لرنینگ 15 ییل گه دولت نینگ هیچ بیر مقامی ده وظیفه اجرا قیلیشی نینگ ممکن ایمس لیگی نی بیلدیردی. 

ونزوئلاده 2020- ییل 6 دسامبرده مخالف لرنینگ کوپچیلیگی نینگ بایکوت ایتگن سیلاو لرده اقتدار ده گی حزب ایتکچی لیگیده گی اولوغ وطن سیور قطبی, 68,43 فایز رای بیلن ملی مجلس ده گی 277 کرسی نینگ 177 ته سی نی کسب ایتگن ایدی. 

میلادی 2015- ییلده بولیب اوتگن سیلاو لرده ایسه مخالف لر 65 فایز رای بیلن 167 کرسی لیک ملی مجلس نینگ 112 کرسی نی کسب ایتیش گه موفق بولگن ایدی. 

گوایدو میلادی 2019- ییل 23 جنوری ده اوزی نی "اوتکینچی دولت رهبری" اعلان ایتگن ایدی. 

شونده ی قیلیب گوایدو امریکا قوشمه ایالتلری و کوپلب لاتین امریکا و غرب اولکه لری نینگ حمایه سی نی کسب ایتگن ایدی.