امریکا قوشمه ایالتلری ده پولیس بیر کیشی نی بوغیب اولدیرگن

امریکا قوشمه ایالات لری ده پولیس, اوشله ماقچی بولگن بیر کیشی نی 5 دقیقه تیزه سی بیلن بوغدی.  بوغیلگن کیشی نینگ اولگن لیگی بیلدیریلدی. 

اوشبو حادثه 23 دسامبرده یوز بیردی.  کالیفرنیا نینگ آنتیوک منطقه سیده عایلوی جنجال لر سببلی پولیس چقیریلدی.  پولیس 30 یاشلی آنگلیو کینتو نی اوشله ماقچی بولیب 5 دقیقه تیزه سی بیلن بوغدی. کینتو نینگ اوشبو حادثه دن 3 کون کیین وفات ایتگن لیگی معلوم قیلیندی.

عایله سی پولیس نینگ کینتو نینگ اولیمی بوییچه عیبدار ایکن لیگی نی بیلدیردی. 

آقلاوچی لر, حادثه جریانیده کینتو نینگ هوش دن کیتگن لیگی و محلی بیر کسلخانه گه آلیب باریلیشی دن 3 کون کیین اولگن لیگی نی معلوم قیلدی. 

کینتو نینگ سینگلی سی نینگ موبایل بیلن آلگن ویدیو تصویرده, کینتو نینگ حرکت سیز ییرده یاتگن لیگی و امبولانس بیلن کسلخانه گه آلیب باریلیاتگن پیتده یوزی ده قان بولگن لیگی نینگ کورینگن لیگی بیلدیریلدی. 

عایله آقلاوچی لری پولیس نینگ تقریباً ایککی آی دن بیری اوشبو توغریده بیانات بیرمه گن لیگی نی معلوم قیلدی. 

کونتره کوستا تومنی امنیه قوماندان لیگی, کینتو نینگ قنده ی قیلیب اولگن لیگی نینگ انیق ایمس لیگی نی معلوم قیلرایکن, حادثه بیلن علاقه لی تومن قاره لاوچیلیگی تامانیدن تیرگاو باشله تیلگن لیگی نی بیلدیردی.