قطرده افغانلر ارا اوچره شوولر قیته دن باشله دی

افغانستانده خشونت نینگ اداغگه ییتیب باریشی مقصدی بیلن قطرنینگ پایتختی دوحه ده 6 جنوریده باشله گن تینچلیک اوچره شووی طالبان هیئاتی نینگ 26 جنوریده منطقه اولکه لریگه سفر اویوشتیریشی بیلن توخته لیب قالگن افغانلر ارا مذاکره قیته دن باشله دی.  

طالبان گروهی نینگ مذاکره هیئاتی سوزچیسی محمد نعیم وردک مطبوعاتگه بیرگن بیاناتده افغانلر ارا مذاکره لرنینگ قالگن جایدن دوام ایتیشی اوچون اوچره شوولرنینگ باشلنگن لیگینی قید ایتدی.

وردک اوچره شوولرنینگ محتواسی نینگ انیقلشتیریلیشی اوچون فعالیت گروپلری نینگ ایش گه باشله شیدن خبر بیردی.

افغانستان مذاکره هیئاتی منسوبی غلام فاروق مجروح هم اوزاق مدت کیین اوچره شوولرنینگ باشله گن لیگینی و ایلک اوچره شووده مذاکره نینگ دوام ایتیب باریشی اوچون قرار قبول قیلینگن لیگینی بیلدیردی.

افغانستان حکومتی طالبان گروهینی مذاکره نی ترک ایتیب اوروش اوچون تیارگرلیک کورگن لیگی بیلن عیبله گندی.