ناتو باش منشیسی ناتونینگ افغانستان نی ترک ایتیب چیقیشی بوییچه بیانات بیردی

ناتو باش منشیسی ینس ستولتنبرگ ناتونینگ وقتی کیلگنده افغانستان نی ترک ایتیب چیقیشیدن خبر بیردی.

ینس ستولتنبرگ ویدیو کنفرانس آرقه لی آلیب باریله یاتگن ایککی کونلیک ناتو مدافعه وزیرلری ییغیلیشی نینگ ایلک جلسه سی نینگ آرتیدن مطبوعاتی کنفرانس اویوشتیردی.

ستولتنبرگ بوگونگی جلسه نینگ کون ترتیبیده گی موضوع ماده سی بولمیش ناتونینگ افغانستان نی ترک ایتیب چیقیشی ویا او جایده قالیش گه دوام ایتیشی توغریسیده گی قرار بیلن تیگیشلی سوال گه جواب بیردی.

"افغانستانده گی موجودیتیمیز شرطلرگه باغلیق. طالبان گروهی تعهدلرینی بجا کیلتیریشی کیره ک" دیدی.

ناتونینگ افغانستان تینچلیک جریانینی قوللب – قوتله گن لیگینی ایتدی.

ستولتنبرگ "وقتی کیلگنده افغانستان نی ترک ایتیب چیقه میز. شو وقتگی هدفیمیز تینچلیک جریانینی و مذاکره لرنی قنداق قیلیب قوللب – قوتلش دیر" دیب گپیردی.

ستولتنبرگ، متفقلرنینگ مصلحت قیلیب تورگن لیکلرینی و بیرگه لیکده قرار قبول قیلیب آله جکلرینی معلوم قیلدی. اساسی موضوع نینگ طالبان گروهی نینگ خشونت نی کمه یتیریشی و القاعده کبی خلق ارا ترور تشکیلاتلریدن اوزاق توریشی ایکن لیگینی تیلگه آلدی.