پوتین تلفن آرقه لی بایدن بیلن سوزله شدی

روسیه جمهوررئیسی ولادیمیر پوتین, تلفن آرقه لی, امریکا قوشمه ایالتلری دولت رهبری جو بایدن بیلن سوزله شدی. 

کرملین تامانیدن بیریلگن بیاناتده, "پوتین, امریکا قوشمه ایالت لری دولت رهبری صفتیده وظیفه گه باشله گن لیگی اوچون بایدن گه تبریک بیلدیردی. پوتین, روسیه بیلن امریکا قوشمه ایالتلری اورته سیده گی مناسبت لرنینگ عادی له شیشی نینگ, اوشبو اولکه لرنینگ خلق ارا مقیاسده خوفسیزلیک و برقرار لیک بوییچه اوزی گه خاص بیر مسئولیت گه ایگه ایکن لیگی گه قره گنده, ایکله اولکه دن تشقری, دنیا منفعتی گه هم اویغون بوله دیگن لیگی نی معلوم قیلدی" دییه قید ایتیلدی. 

بیاناتده, اوشبو صحبتده, ینگی ستراتیژیک سلاح لرنینگ کمه یتیریلیشی باره سیده گی کیلیشوو نینگ تمدید ایتیلیشی بوییچه موضوع لر توغریسیده هم فکر المه شیلگن لیگی معلوم قیلیندی. 

بیاناتده, "کیله جک کون لرده تامان لر, هسته ای راکت امکانیت لری نینگ ایککی تامانلمه اوله راق کمه یتیریلیشی بوییچه بو مهم خلق ارا میکانیزم نینگ ینه ده یخشیراق بیر شکلده تطبیق ایتیلیشی اوچون کیره کلی باسقیچ لرنی تکمیل قیله دی لر" دییه قید ایتیلدی. 

عینی دمده بیاناتده, خوددی شوو صحبت ده کووید 19 پاندمی سی و ایککی اولکه اورته سیده گی اقتصادی مناسبت لر باره سیده هم بحث ایتیلگن لیگی معلوم قیلیندی. 

بیاناتده, "مشوره قیلینگن خلق ارا مقیاسده گی موضوع لر آره سیده, امریکا قوشمه ایالتلری نینگ آچیق سما لر معاهده سیدن بیر تامانلمه اوله راق چیکیلیشی, ایران هسته ای برنامه سی بیلن علاقه لی کینگ کولملی اورتاق پلان نینگ قورینیشی مسئله سی, اوکراین بحرانی نینگ ییچیلیشی و روسیه نینگ بیرلشگن ملت لر تشکیلاتی خوفسیزلیک کینگشی اعضا لری نینگ حضوری بیلن رهبر لر ییغیلیشی اوتکزیلیشی توغریسیده گی تشبثی اورین آلدی" دییه قید ایتیلدی. 

بوندن تشقری بیاناتده, پوتین بیلن بایدن اورته سیده آچیق و یخشی نیتلی بیر صحبت بولیب اوتگن لیگی بیلدیریلدی.