بایدن رهبریتی طالبان بیلن امضالنگن کیلیشوو نی کوریب چیقه دی

امریکا قوشمه ایالتلری ملی خوفسیزلیک مشاوری جیک سولیوان, امریکا نینگ 2020- ییل فبروری آییده امریکا بیلن طالبان اورته سیده امضالنگن تینچلیک کیلیشووی نی کوریب چیقه دیگن لیگی نی معلوم قیلرایکن, طالبان نینگ بیرگن وعده لری گه وفا قیلگن لیگی یاکه قیلمه گن لیگی نی تیکشیره دیگن لیک لری نی بیلدیردی. 

جاری آی نینگ 20- کونیده وظیفه گه باشله گن امریکا قوشمه ایالتلری نینگ ینگی دولت رهبری جو بایدن نینگ تشقی سیاست تیمی اوز ایشی گه باشله دی. 

آق اوی ملی خوفسیزلیک کینگشی نینگ سوزچیسی ایمیلی هورن, سولیوان نینگ جمعه کونی تلفن آرقه لی افغانستان ملی خوفسیزلیک کینگشی نینگ مشاوری حمدالله محب بیلن سوزله شگن لیگی نی بیلدیردی. 

صحبتده, سولیوان امریکا نینگ ایککی اولکه اورته سیده گی همکارلیک و افغانستان خلقی اوچون تینچلیک بوییچه بیرگن وعده لری گه وفا قیله دیگن لیگی نی معلوم قیلدی.

عینی دمده سولیوان, امریکا قوشمه ایالتلری نینگ امریکا بیلن طالبان اورته سیده امضالنگن کیلیشوو نی کوریب چیقیب, طالبان نینگ ترور تشکیلات لری بیلن ارتباط لری نی توخته تیش, افغانستان ده گی زورانلیک نی کمه یتیریش, افغانستان حکومتی و باشقه منفعت دار تامان لر بیلن مذاکره قیلگن لیگی یاکه قیلمه گن لیگی بوییچه موضوع لرنی تیکشیره دیگن لیک لری نی معلوم قیلدی.  

سولیوان, امریکا قوشمه ایالتلری نینگ افغانستان نینگ برچه رهبر لری نینگ تینچلیک و برقرارلیک بوییچه تاریخی فرصت لردن فایده له نیشی, افغانستان ده عیال لر, قیز لر و اقلیت لر بوییچه قولگه کیریتیلگن موفقیت لرنینگ هم اسره لیشی نی آرزو ایتیاتگن لیگی نی بیلدیردی. 

بوندن تشقری سولیوان, افغانستان اوچون برقرارلیک, حاکمیت و امنیت نینگ کیله جگی نینگ قوللب- قووتله نیشی مقصدی بیلن افغانستان حکومتی, ناتو متفق لری و منطقه ده گی اورتاق لری بیلن ارتباطده ایکن لیک لری نی بیلدیردی.