امرالله صالح: ترامپ رهبریتی طالبان گه تیگیشلی ناتوغری بیر ایش قیلدی

افغانستان جمهوررئیسی نینگ بیرینچی اورینباسری امرالله صالح, امریکا قوشمه ایالتلری بیلن طالبان اورته سیده گی کیلیشوو نینگ ینگلیش ایمس لیگی نی معلوم قیلرایکن, دونالد ترامپ رهبریتی ده گی امریکا نینگ طالبان گه حقی دن آرتیق امتیاز بیریب انچه ناتوغری ایش قیلگن لیگی نی بیلدیردی. 

امریکالیک حربی لرنینگ افغانستان دن چیقیشی تقدیرده, زورانلیک نینگ آرتیب کیتیشی نینگ ممکن ایکن لیگی نی بیلدیرگن صالح, شرطسیز و گرنتی سیز بیر شکلده طالبان گه ایشانیش نینگ خطرلی بوله دیگن لیگی نی معلوم قیلدی. 

افغانستانلیک لر اورته سیده گی مذاکره لر نینگ باشله مسدن آلدین امریکا هیئتی نینگ کیلگن لیگی نی بیلدیرگن صالح, "امریکا قوشمه ایالتلری هیئتی بیز گه 5 مینگ نفر طالبان محکومی نی قوییب یوباریشینگیز تقدیرده, زورانلیک توخته یدی دیب قسم ایچگن ایدی.  عکسینچه محکوم لرنینگ قوییب یوباریلیشی بیلن زورانلیک حادثه لری ینه ده آرتیب کیتدی" دییه قید ایتدی.

صالح, طالبان نینگ "ترور تشکیلاتی القاعده بیلن ارتباطی نی توخته دیگن لیگی" توغریسیده گی وعده سی گه وفا قیلمه گن لیگی نی معلوم قیلرایکن, حاضرگی کونده هم القاعده بیلن ارتباطده ایکن لیگی نی بیلدیردی.