ترامپ, واشنگتن دی سی ده فوق العاده حالت اعلان ایتدی

امریکا قوشمه ایالتلری دولت رهبری دونالد ترامپ, ینگی دولت رهبری ایتیب سیلنگن جو بایدن نینگ 20 جنوری ده بولیب اوته دیگن قسم یاد مراسمی اوچون واشنگتن دی سی ده "فوق العاده" حالت اعلان ایتدی. 

آق اوی تامانیدن بیریلگن بیاناتده, ترامپ نینگ, بایدن نینگ وظیفه گه باشلش مراسمی اوچون کیره کلی تیارگرلیک لر اوچون "فوق العاده حالت" اعلان ایتگن لیگی معلوم قیلیندی. 

ترامپ طرفدار لری 6 جنوری ده کانگرس بنا سی گه باسیب کیرگن ایدی.  یوز بیرگن حادثه لر جریانیده 5 کیشی حیاتی نی یوقاترایکن, خوددی شوو حادثه لرنینگ آلدی نی آلیش اوچون ملی محافظ کوچ لری منطقه گه یوباریلگن ایدی. 

نماینده لر مجلسی نینگ باشلیغی دموکرات نانسی پیلوسی, دولت رهبری اورینباسری مایک پنس نی حادثه لر گه سبب بولگن لیگی باعث اساسی قانون نینگ 25- ماده سی گه بناً ترامپ نینگ ایش دن هیده ش گه چقیرگن ایدی. 

دموکرات لر بوگون هم ترامپ نینگ ایش دن هیده لیشی بوییچه پروسه نینگ باشله تیلیشی اوچون ینه قانون لایحه سی تقدیم ایتگن ایدی.