اندونزیاده قولب توشگن اوچاق و یولاوچیلرنی قیدیروو قوتقروو فعالیتلری دوام ایتماقده

اندونزیاده یولاوچی اوچاق قولب توشگن منطقه ده کینگ کولملی قیدیروو و قوتقروو فعالیتلری دوام ایتماقده.

ملی قیدیروو قوتقروو باشقرووی کوردیناتوری راسمان بیرگن بیاناتیده اوچاق قولب توشگن منطقه ده بوگون قیدیروو – قوتقروو فعالیتی نینگ 53 ته کیمه آرقه لی آلیب باریله جگینی بیلدیردی.

مذکور منطقه ده 2 مینگ 600 پرسونل نینگ قتنشیشی بیلن 6 فرقلی منطقه ده فعالیتلرنینگ دوام ایتیب تورگن لیگینی معلوم قیلگن راسمان سووگه چومیش گروهلری نینگ سوو آستیده اوچاق و جسد پارچه سی قیدیرووی گه دوام ایته جیکلرینی تیلگه آلدی.

توناون کونی اوچاق نینگ جایی نینگ تثبیت ایتیلگن لیگینی بیراق قاره قطیسی نینگ حلی گچه چیقاریلمه گن لیگینی قید ایتدی.

شونده ی بولیب منطقه ده گی پولیس کسلخانه لریگه انتقال بیریلگن 16 توربه نینگ ایچیده گی جسد پارچه لری نینگ DNA تیستلریگه بوگون باشله شیدن خبر بیریلدی.

ترانسپورت وزیری بودی کاریا سومادی 9 جنوریده اویوشتیرگن مطبوعاتی کنفرانسده 12 نفر پرسونل و 50 نفر یولاوچیسی بولمیش یولاوچی اوچاق بیلن اوچیشدن 5 دقیقه کیین علاقه نینگ کیسیلیب قالگن لیگینی و پایتخت جاکارته نینگ شمالیده جایلشگن لاکی و لانجانگ آرالی نینگ اورته سیده گی دینگیز ساحه سیگه قولب توشگن لیگینی بیلدیرگندی.