امریکا قوشمه ایالتلری ده کانگرس بناسی گه باسیب کیریلدی؛ تورت کیشی اولدی

امریکا قوشمه ایالت لری پایتختی واشنگتن ده, دولت رهبری دونالد ترامپ طرفدار لری نینگ کانگرس بنا سی گه باسیب کیریشی آرتیدن یوز بیرگن حادثه لر جریانیده 4 کیشی هلاک بولدی و کمیده 52 کیشی ایسه قولگه آلیندی. 

شهر ده محلی وقت بیلن توناوون کیچقرون ساعت 6 دن کیین کوچه گه چیقیش ممنوع قیلیندی. 

پولیس, کانگرس بنا سی گه کیرگن نمایشچی لر گه قرشی قلمپیر گاز دن استفاده ایتدی.

واشنگتن دی سی پولیسی, کانگرس بناسی ده گی حادثه لر جریانیده یره لنگن بیر عیال نینگ, کسلخانه ده حیات دن کوز یومگن لیگی نی بیلدیردی. 

واشنگتن پولیسی نینگ باشلیغی رابرت کونت, ینه 3 کیشی نینگ اولگن لیگی نی معلوم قیلدی. 

پولیس باشلیغی, اولگن اوشبو کیشی لرنینگ بیری نینگ ایرکک و ایککی سی نینگ ایسه عیال ایکن لیگی نی بیلدیردی.

عینی دمده رابرت کونت, حادثه لر جریانیده 14 پولیس نینگ ینگیل یره لنگن لیگی و کمیده 52 کیشی نینگ قولگه آلینگن لیگی نی معلوم قیلدی.

نیویورک والیسی اندریو کیومو, تویتر آرقه لی بیرگن بیاناتیده, "امریکا قوشمه ایالتلری ملی محافظ لری نینگ طلبی گه بناً نیویورک دن بیر مینگ نفر ملی محافظ کوچی نی ایککی هفته لیک بیر مدت بیلن واشنگتن گه جایلشتیره من" دییه قید ایتدی.