امریکا قوشمه ایالت لریده 15 کونلیک فوق العاده حالت اعلان قیلیندی

امریکا قوشمه ایالتلری پایتختی واشنگتن ده, دولت رهبری دونالد ترامپ نینگ طرفدار لری نینگ کانگرس بناسی گه باسیب کیریشی آرتیدن باشله گن حادثه لر جریانیده 4 کیشی حیاتی نی یوقاتدی و کمیده 52 کیشی ایسه قولگه آلیندی. 

اوشبو دایره ده امریکا قوشمه ایالت لریده 15 کونلیک فوق العاده حالت اعلان قیلیندی. 

واشنگتن پولیسی باشلیغی رابرت کونت, حادثه لر جریانیده 14 پولیس نینگ ینگیل یره لنگن لیگی نی معلوم قیلدی. 

ترامپ نینگ, اورینباسری مایک پنس نینگ تیمی نی باشقریاتگن مارک شورت نینگ آق اوی گه کیریشی نی ممنوع قیلیب قویگن لیگی بیلدیریلدی. 

تویتر, قاعده لر گه اویغون حرکت قیلمه گن لیگی سببلی, امریکا قوشمه ایالتلری دولت رهبری دونالد ترامپ نینگ اوچ پیامی نی اوچیردی. 

تویتر تامانیدن بیریلگن بیاناتده, زورانلیک تهدید لری و قاعده لر گه اهمیت بیرمس لیک نینگ دوام ایتیشی تقدیرده, ترامپ نینگ حسابی نینگ توخته تیله دیگن لیگی معلوم قیلیندی. 

فیسبوک بیلن انستاگرام هم ترامپ نینگ حساب لری نی 24 ساعت لیک بیر مدت بیلن توخته تیب قویدی. 

عینی دمده, ترامپ طرفدار لری نینگ 4 ساعت لیک کانگرس بناسی اشغالی نینگ اداققه ییتیشیشی آرتیدن ایش لری نی معطل قیلیب قویگن سناتور لر مجلس گه قیتیب کیلدی.

ایککینچی ییغیلیشده پنسلوانیا بیلن علاقه لی اعتراض رد ایتیلدی. 

مجلس اعضا لری بیلن بیرگه دولت رهبری اورینباسری مایک پنس هم ییغیلیش گه اشتراک ایتدی. 

رای گیرلیک نتیجه سیده جو بایدن نینگ سیلاوده آلگن 306 رای نینگ همه سی قبول قیلیندی. 

شونده ی قیلیب جو بایدن, 2021- ییل 20 جنوری دن باشلب دولت رهبری اوله راق امریکا قوشمه ایالتلری نی باشقره دی. 

امریکا قوشمه ایالتلری دولت رهبری نینگ اورینباسری مایک پنس راگیرلیک آرتیدن بیرگن بیاناتیده, "جو بایدن, امریکا قوشمه ایالتلری نینگ دولت رهبری اوله راق 20 جنوری ده وظیفه گه باشله یدی" دییه قید ایتدی.