امریکا قوشمه ایالت لری ده ترامپ طرفدار لری کانگرس بنا سی گه باسیب کیردی

امریکا قوشمه ایالت لری نینگ پایتختی واشنگتن ده, دولت رهبری دونالد ترامپ نینگ طرفدار لری کانگرس بنا سی گه باسیب کیررایکن, یوز بیرگن حادثه لر عاقبتیده کوپلب پولیس بیلن نمایشچی بیر عیال یره لندی.

اوشبو حادثه لر آرتیدن توناوون محلی وقت بیلن کیچقرون ساعت 6 دن کیین کوچه گه چیقیش ممنوع ایتیلدی. 

پولیس بنا گه کیرگن نمایشچی لر گه قرشی قلمپیر گاز دن استفاده ایتدی.  بنا ده یوز بیرگن حادثه ده, بیر عیال یره لندی.  یره لنگن اوشبو عیال نینگ ساغلیق وضعیتی نینگ یمان ایکن لیگی بیلدیریلدی. 

عینی دمده خوفسیزلیک کوچ لری, کانگرس بناسی یقینیده پارتلاوچی ماده تاپیلگن لیگی و تاثیرسیز وضعیت گه کیتیریلگن لیگی نی معلوم قیلدی. 

اوشبو حادثه لر آرتیدن, کانگرس ده, جو بایدن نینگ دولت رهبری ایتیب سیله نیشی نینگ تصدیق له نه دیگن ییغیلیش معطل قیلیندی و جلسه نی باشقریاتگن دولت رهبری اورینباسری مایک پنس بنا نینگ تشقری سی گه چیقاریلدی. پنس, بیر مدت کیین بیرگن بیاناتیده, کانگرس بناسی ده گی حادثه لرنینگ اداققه ییتیشتیریلیشی نی طلب ایترایکن, اوشبو وضعیت نینگ یخشی بیر نرسه دن عبارت ایمس لیگی نی بیلدیردی. 

کیین چه لیک سناتور لر هم بنا دن چیقاریلدی. 

یوز بیرگن حادثه لر عاقبتیده کوپلب پولیس نینگ هم یره لنگن لیگی معلوم قیلیندی. 

سیلنگن دولت رهبری جو بایدن مطبوعاتی کنفرانس ترتیب لب, "امریکا قوشمه ایالت لری دموکراسی سی و حقوق نینگ اوستین لیگی گه قره تیلگن" هجوم لرنینگ اداققه ییتیشتیریلیشی نی طلب ایتدی.

بایدن, ترامپ گه قره ته بیرگن بیاناتیده, "کمره لرنینگ مقابلی گه چیقیشی و (کانگرس بناسی ده گی) محاصره نی اداققه ییتیشتیریشی کیره ک" دییه قید ایتدی. 

پنسلوانیا والیسی توم وولف, تویتر آرقه لی بیرگن بیاناتیده, نمایشچی لرنینگ کانگرس بنا سی گه کیریشی نی "کودتا تشبثی" اوله راق بهالنتیردی. 

کیین ایسه, ترامپ ملی محافظ کوچ لری گه "کانگرس بنا سی ده گی حادثه لر گه مداخله ایتیشی" اوچون بویروق بیردی. 

 ترامپ, اجتماعی ترماق آرقه لی بیرگن بیاناتیده, نمایشچی لر نی تینچیلیک سیور نمایش لر گه چقیردی. 

بحران نینگ آرتیب کیتیشی کیتیدن ترامپ, "سیلاو نی بیزدن اوغیرلب آلدی لر لیکن حاضر اوی گه کیتیشی میز کیره ک" دیگن ویدیویی بیر پیام ترقه تدی. 

ترامپ, نمایش لر باشله مسدن آلدین بیرگن بیاناتیده, سیلاو لرده گی مغلوبیت نی قبول ایتمه یدیگن لیگی و کوره شی نینگ دوام ایته دیگن لیگی نی بیلدیرگن ایدی. 

ترامپ, 2020- ییل 3 نوامبرده بولیب اوتگن سیلاو لرنینگ نتیجه سی نینگ تصدیق له نیشی توغریسیده بولیب اوته دیگن کانگرس ییغیلیشی اوچون واشنگتن ده ییغیلگن طرفدار لری گه اوق اوتمه یدیگن بیر شیشه نینگ آرقه سیدن بیانات بیررایکن, "دموکرات لرنینگ سیلاو لرده قلاب لیک قیلگن لیگی" بوییچه ادعاسی نی ینه بیر مرته تکرارلب اوتدی.

ترامپ, سیلاو لرده غلبه قازانلیگی نی بیلدیریب, هیچ بیر شکلده مغلوبیت نی قبول ایتمه یدیگن لیگی و کوره شه دیگن لیگی نی بیلدیرگن ایدی.