امریکا قوشمه ایالت لری ده گی حادثه لر آرتیدن آق اوی دن اوچ کیشی استعفا ایتدی
ترامپ طرفدار لری نینگ کانگرس بناسی گه باسیب کیریشی کیتیدن بعضی حادثه لر یوز بیردی
امریکا قوشمه ایالتلری دولت رهبری دونالد ترامپ طرفدار لری نینگ کانگرس بناسی گه باسیب کیریشی آرتیدن باشله گن حادثه لر کیتیدن آق اوی دن بعضی کیشی لر استعفا ایتدی.
ترامپ نینگ عیالی میلانیا ترامپ نینگ تحریرات رئیسی بولگن گریشم, اوشبو حادثه لر سببلی استعفا ایتگن لیگی نی بیلدیردی.
بیر پیت لر آق اوی سوزچیسی هم بولگن گریشم, بیرگن بیاناتیده, وظیفه سی نی خرسندچیلیک بیلن بجرگن لیگی نی بیلدیررایکن, حاضرگی کون ده گی حادثه لر آرتیدن استعفا ایتیش گه قرار قیلگن لیگی نی معلوم قیلدی.
عینی دمده آق اوی سوزچیسی نینگ اورینباسری سارا ماتیوس و آق اوی اجتماعی ایش لر مسئولی ریکی نایستا هم استعفا ایتگن لیگی نی بیلدیردی.
بوندن تشقری امریکا قوشمه ایالتلری مطبوعاتی گه عکس ایتگن ادعا لرگه کوره, آق اوی ده گی باشقه کیشی لر هم استعفا ایتیش نی ریجه له ماقده.
ملی خوفسیزلیک مصلحتچیسی رابرت اوبرین, ملی خوفسیزلیک مشاوری نینگ اورینباسری مات پوتینگر و آق اوی تحریرات رئیسی نینگ اورینباسری کریس لیدل نینگ هم استعفا ایتیش نی ریجه لیاتگن لیگی ادعا ایتیلماقده.
امریکا قوشمه ایالتلری دولت رهبری دونالد ترامپ طرفدار لری, 3 نوامبرده بولیب اوتگن سیلاو نینگ نتیجه سی نینگ انیقلشتیریلیشی اوچون بولیب اوتگن ییغیلیش گه قرشی ناراضی چیلیک بیلدیریش مقصدی بیلن کانگرس بناسی گه باسیب کیرگن ایدی.
کیین چه لیک یوز بیرگن حادثه لر آرتیدن کوچه گه چیقیش ممنوع ایتیلگن ایدی.
علاقه لی ینگی لیکلر
اسرائیل اردوسی لبنان گه هجوم اویوشتیردی
اسرائیل اوروش اوچاقلری نینگ لبنان نینگ جنوب تامانینی بمباردمان قیلگن لیگی معلوم قیلیندی