افغانستان – طالبان گروهی هیتاتلری ارا اوچره شوولر قیته باشلندی

افغانستانده دایمی تینچلیک برقرار بولیشی اوچون طالبان بیلن آلیب باریلگن مذاکره لرنینگ ایککینچی باسقیچی قطرنینگ پایتختی دوحه ده قیته باشلندی.

افغانستان مذاکره هیئاتی سوزچیسی نادر نادری، مطبوعاتگه بیرگن بیاناتیده، طالبان و افغانستان هیئاتی نینگ قرار بیلن بعضی بیر موضوعلر بوییچه مصلحتلش اوچون 14 دسامبرده توخته تیلگن مذاکره لرنینگ ایککینچی باسقیچی نینگ قیته دن باشله گن لیگینی ایتدی.

5 جنوریده باشله شی ریجه لنگن اوچره شوولر افغانستان هیئاتی نینگ قطرگه بیر کون کیچ باریشی بیلن مذاکره توناون کونی کیچه باشلندی.

امریکا قوشمه ایالتلری بیلن طالبان گروهی اورته سیده 2020 ییلی نینگ 29 فبروری کونیده کیلیشوو بولیب اوتیشی نینگ آرتیدن افغانستانلیکلر آره سیده گی جریان باشله دی.

میلادی 2020 ییلی سپتامبر آییده دوحه ده مذاکره میزی نینگ تیگره گی گه اولتیرگن کابل باشقرووی بیلن طالبان گروهی اولاً اصول و اساسلر اوستیده بحث قیلیب کیلیشیب آلدی.

دوحه ده بوگون اوچره شگن تامانلرنینگ ایککینچی تور اوچره شووی کون ترتیبینی "محتوا مذاکره لری" تشکیل ایتماقده. شونده ی بولیب افغانستان اداره سی بیلن طالبان گروهی مذاکره لرنینگ موضوع باشلیق لری و اولویتده گی موضوعلرنی بیرینچی اورین گه آله دیلر.