قطر امیری آل ثانی سعودی عربستان گه تشریف بویوردی

قطر امیری شیخ تمیم بن حمد آل ثانی, کورفز همکارلیک کینگشی ییغیلیشی گه اشتراک ایتیش اوچون سعودی عربستان گه تشریف بویوردی. 

آل ثانی نینگ, اوچاق دن توشیشی آرتیدن سعودی عربستان ولیعهد شهزاده سی محمد بن سلمان تامانیدن قیزغین کوتیب آلینگن لیگی کوریندی.

کویت تشقی ایش لر وزیری احمد ناصر محمد الصباح, سعودی عربستان بیلن قطر اورته سیده گی چیگره لرنینگ آچیلیشی بوییچه توناوون آقشام کیلیشیلیب آلینگن لیگی نی بیلدیرگن ایدی. 

محمد بن سلمان, بوگون بولیب اوته دیگن 41 نچی کورفز همکارلیک کینگشی ییغیلیشی نینگ "عملده بیرلیک ییغیلیشی" دن عبارت بوله دیگن لیگی نی معلوم قیلگن ایدی.

سعودی عربستان, بیرلشگن عرب امیرلیک لری, بحرین و مصر, 2017- ییل 5 جون ده, "ترورچی لر نی قوللب قووتلش" عیبلاوی بیلن قطر بیلن بولگن دیپلماتیک مناسبت لری نی توخته تیب قوییب اوشبو اولکه گه قرشی اقتصادی تحریم تطبیق ایته باشله گن ایدی. 

قطر, اوشبو عیبلاو لرنی رد ایترایکن, خوددی وضعیت نینگ اوزی بحران گه سبب بولگن ایدی. 

کویت ایسه بحران نینگ باشله گن کون دن بیری اوشبو مسئله نینگ ییچیلیشی اوچون واسطه چیلیک قیلیب کیلماقده ایدی.