نایجریا ده بوکوحرام نینگ هجومی عاقبتیده بیر یوز اون نفر دهقان حیاتی نی یوقاتدی

نایجریا نینگ شمالشرقیده بورنو ایالتی ده, ترور تشکیلاتی بوکوحرام تامانیدن اویوشتیریلگن هجوم عاقبتیده 110 نفر دهقان حیاتی نی یوقاتدی.

بیرلشگن ملت لر تشکیلاتی بشری یاردم لر بوییچه نایجریا مسئولی ادوارد کاللون, توناوون, ترورچی لرنینگ اوشبو ایالت گه باغلیق گارین کواشیبه قیشلاغیده برنج مزرعه سیده ایشلیاتگن دهقان لر گه قره ته هجوم اویوشتیرگن لیگی نی بیلدیردی. 

اوشبو حادثه عاقبتیده 110 نفر دهقان نینگ حیاتی نی یوقاتگن لیگی نی بیلدیرگن کاللون,  کوپلب کیشی نینگ ایسه یره لنگن لیگی نی معلوم قیلدی. 

اوشبو هجومده کوپلب عیال نینگ آلیب قاچیریلگن لیگی نی معلوم قیلگن کاللون, حکومت نینگ مذکور عیال لرنی تاپیش اوچون سعی و حرکت قیلیشی کیره ک ایکن لیگی نی بیلدیردی. 

نایجریا دولت رهبری محمد بخاری ایسه اوشبو هجوم نی قاره له دی. 

محللی مطبوعاتده بیریلگن خبر لرده اوشبو هجوم عاقبتیده 44 کیشی نینگ حیاتی نی یوقاتگن لیگی ادعا ایتیلگن ایدی.