تاغلیک قاره باغ بیلدیروی آذربایجان لیک لر تامانیدن خرسندچیلیک بیلن کوتیب آلیندی

آذربایجان لیک لر, ارمنستان نینگ تاغلیک قاره باغ ده گی اشغالی نی اداققه ییتیشتیره دیگن بیلدیرو نینگ امضاله نیشی نی میدان لرده نشانله ماقده.

آذربایجان لیک لر, جمهوررئیس الهام علی یف نینگ آذربایجان خلقی گه قره تیلگن صحبتی آرتیدن کوچه لر گه چیقیشدی. 

اوشبو بیلدیرو پایتخت باکوده خلق تامانیدن قیزغین کوتیب آلیندی.  مینگلب باکولیک قوللری گه آذربایجان و تورک بیرق لری نی آلیشیب کوچه لر گه چیقیب خرسندچیلیک بیلدیردی. 

آذربایجان لیک لر کوچه لر ده رقص قیلیشیب بیر بیر لری گه تبریک بیلدیردی و بعضی لری ایسه موتر لر گه مینیشیب کوچه لر گه چیقیشدی.

کوپلب آذربایجان لیک خوش لیک دن ییغله دی. 

آذربایجان نینگ ایککینچی کتته شهری دن عبارت گنجه ده هم خلق, منطقه لرنینگ ارمنستان نینگ اشغالی دن آزاد قیلینگن لیگی نی خرسندچیلیک بیلن کوتیب آلدی. 

یوزلب کیشی قوللری گه آذربایجان و تورک بیرق لری نی آلیشیب گنجه ده گی آزادلیک میدانی گه کیتدی. 

اوشبو کیشی لر, "شهید لر اولمه یدی وطن بولینمه یدی", "اینگ کوچلی اردو بیزنینگ اردومیز", "قاره باغ بیزنیکی و بیزنیکی بوله دی" و "غرورلی بولگیل شهید آنه سی" دییه شعار بیریب حیدر علی یف یادگارلیگی گه کیتدی.

خلق نینگ خرسندچیلیگی خوددی شوو ییر نینگ اوزیده هم دوام ایتدی.