ارمنستان اردوسی مسکونی منطقه لر نی اورماقده

ارمنستان اردوسی آتشکیسین نی نقض قیلیب آذربایجان عسکر لری و ترتر ولایتی ده گی عادی اهالی گه قره ته هجوم اویوشتیرماقده. 

آذربایجان مدافعه وزیرلیگی تامانیدن بیریلگن بیاناتده, ارمنستان اردوسی نینگ ساعت 8 دن 5 دقیقه اوتگنده انسانی آتشکیسین نی نقض قیلیب اشغال آستیده گی لاچین شهری استقامتی دن لاچین نینگ سفیان قیشلاغیده جایلشگن آذربایجان کوچ لری گه قره ته راکتی هجوم اویوشتیرگن لیگی نی بیلدیردی. 

وزیرلیک, آذربایجان اردوسی نینگ برچه جبهه لر ده آتشکیسین گه رعایت قیلیاتگن لیگی نی معلوم قیلدی. 

آذربایجان جمهوررئیسی نینگ اورینباسری حکمت حاجی اف هم ارمنستان اردوسی نینگ 08:04 دن باشلب ترتر و قیشلاق لری گه قره ته راکتی هجوم اویوشتیرگن لیگی نی بیلدیردی. 

حاجی اف, اعلان ایتیلگن آتشکیسین نینگ ارمنستان تامانیدن نقض ایتیلگن لیگی نی معلوم قیلدی. 

ارمنستان نینگ 10 و 18 اوکتوبرده اعلان ایتیلگن آتشکیسین نی نقض قیلگن لیگی نی بیلدیرگن حاجی اف, "بولرنینگ همه سی, ارمنستان نینگ انسانی آتشکیسین نی سوزده قوللب- قووتله یاتگن لیگی, آتشکیسین دن آذربایجان کوچ لری و مسکونی منطقه لر گه قره ته هجوم اویوشتیریش و اوز کوچی نی آرتیریب ینگی موضع لر نی قولگه کیریتیش اوچون استفاده ایتیاتگن لیگی نی ینه بیر مرته کورسه تیب بیرماقده.   ارمنستان نینگ هدفی اشغال نی دوام ایتتیریب کوچه یتیریش دن عبارت. آذربایجان تامانی احتیاطلی حرکت ایتماقده.  انسانی آتشکیسین نینگ نقضی بیلن علاقه لی بیلگی لر توپله نیب اوروپا خوفسیزلیک و همکارلیک تشکیلاتی مینسک گروپی تینگ باشلیغی اولکه لر گه بیلدیریله دی. آتشکیسین نینگ نقضی بوییچه ارمنستان تامانی مسئول" دییه قید ایتدی. 

عینی دمده آذربایجان مدافعه وزیرلیگی تامانیدن بیریلگن باشقه بیر بیاناتده, ارمنستان اردوسی نینگ برچه جبهه لر و ایککی اولکه چیگره سیده آذربایجان کوچ لری بیلن عادی اهالی گه قره ته راکتی هجوم اویوشتیرگن لیگی بیلدیریلدی. 

بیاناتده, ارمنستان نینگ برد, چمبره ک و واردینیس ولایت لریدن آذربایجان نینگ تووز, گده بی و داش کیسن ولایت لر گه قره ته راکت آتیلگن لیگی معلوم قیلیندی. 

ترتر, آغدام, فضولی, لاچین و قبادلی استقامت لریده جایلشگن آذربایجان کوچ لری گه هم ارمنستان اردوسی تامانیدن اوق اوزیلگن لیگی بیلدیریلدی. 

امریکا قوشمه ایالتلری نینگ آذربایجان بیلن ارمنستان کیلیشیب آلگن لیک لری نی بیلدیرگن, تاغلیک قاره باغ ده انسانی اوتکینچی آتشکیسین محلی وقت بیلن ایرته لب ساعت 8 ده کوچ گه کیرگن ایدی.