آتشکیسین بوییچه آذربایجان بیلن ارمنستان اوز ارا کیلیشیب آلدی

ارمنستان نینگ اشغالی آستیده گی تاغلیک قاره باغ ده دوام ایتیاتگن اوروش لر بیلن علاقه لی روسیه جمهوررئیسی ولادیمیر پوتین نینگ دعوتی گه بناً بیر ییغیلیش بولیب اوتدی.

توناوون مسکوده بولیب اوتگن اوشبو ییغیلیش گه روسیه, آذربایجان و ارمنستان تشقی ایش لر وزیر لری سرگی لاوروف, جیحوم بیره م اف و زهراب مناتساکانیان اشتراک ایتدی. 

اون ساعت دن آرتیق بیر مدت دوام ایتگن اوشبو ییغیلیش آرتیدن مشترک بیانات نی لاوروف اوقیدی.

مشترک بیاناتده, 10 اوکتوبر محلی وقت بیلن ساعت 12:00 دن باشلب اسیر لر و جنازه لرنینگ تبادله سی اوچون آتشکیسین اعلان ایتیلگن لیگی بیلدیریلدی. 

لاوروف, آذربایجان و ارمنستان نینگ, اوروپا خوفسیزلیک و همکارلیک تشکیلاتی منسک گروپی تینگ باشلیق لری واسطه چیلیگیده مسئله نینگ ییچیلیشی بوییچه اساسی مذاکره لرنینگ باشله یدیگن لیگی نی بیلدیردی.