بیروت ده گی پارتلش عاقبتیده هلاک بولگن لرنینگ سانی 100 نفر گه ییتدی

لبنان پایتختی بیروت ده یوز بیرگن انفجار حادثه سی عاقبتیده هلاک بولگن کیشی لر نینگ سانی 100 نفر گه ییتدی. 

بیروت بندری ده گی اوشبو انفجار آرتیدن 12 سانلی دیپوده یانغین یوز بیرگن.  پارتلش نینگ سیسی بیروت نینگ چیککه حدود لریده هم ایشیتیلگن. 

لبنان جمهوررئیسی میشل عون, 6 ییل دن بیری هر قنده ی بیر تدبیر آلینمسدن اوشبو دیپوده سقله نیاتگن 2 مینگ 750 تن امونیم نایترید نینگ پارتلشی نینگ یانغین گه سبب بولگن لیگی نی معلوم قیلدی.

عون, اوشبو حادثه گه سبب بولگن لرنینگ اینگ آغیر بیر شکلده جزالنتیریله دیگن لیگی نی بیلدیردی.

حادثه عاقبتیده 100 کیشی جان بیررایکن, 4 مینگ دن آرتیق کیشی ایسه یره لندی. 

ویران بولگن 3 قَوَتلی بیر بنا نینگ تگیده حاضر هم بعضی کیشی لرنینگ موجود ایکن لیگی بیلدیریلماقده. 

لبنان ده ملی عزا اعلان قیلینرایکن, مدافعه کینگشی هم فلاکت منطقه سی دیب قبول ایتیلگن بیروت ده, 2 هفته لیک بیر مدت بیلن فوق العاده حالت اعلان قیلدی.   

اسم لری نینگ اعلان قیلینمس لیگی نی طلب قیلگن اسرائیل لیک مسئول لر, تل ابیب نینگ بیروت ده گی اوشبو حادثه بیلن هیچ قنده ی بیر ارتباطی نینگ موجود ایمس لیگی نی بیلدیردی.

بیروت والی سی مروان عبدود, بیروت بندری ده یوز بیرگن انفجار نینگ 3-5 میلیارد دالرلیک خسارگه سبب بولگن لیگی نی معلوم قیلدی. 

عینی دمده, قطر, عراق و اردن, انفجار آرتیدن لبنان گه 4 سیار کسلخانه و طبی یاردم یوباردی.