شمالی کوریا امریکا قوشمه ایالتلری نینگ هسته ای قورال بیلن تیگیشلی مداکره چقیریغینی رد ایتدی

امریکا قوشمه ایالتلری نینگ هسته ای قورالسیزلشیش بوییچه اوچره شوولری نینگ آلیب باریلیشیدن مسؤل تشقی ابشلر وزیری اورینباسری استفان بیگون Stephen Biegun اولکه سی نینگ شمالی کوریا بیلن مذاکره لرگه قیته دن باشلش گه تیار ایکن لیگینی بیلدیردی.

جنوبی کوریاگه سفر اویوشتیرگن بیگون، پایتخت سیئولده کسبداشی لی دو هون بیلن اوچره شووی نینگ آرتیدن بیانات بیردی.

"(شمالی کوریا دولت) باشلیغی کیم بو موضوع بوییچه مین بیلن مخاطب بوله دیگن بیر کیشینی تعیین قیلگن تقدیرده بیز مذاکره قیلیش گه تیارمیز" دیب افاده ایتدی.

بیگون اوچره شوولردن مقصد دایمی تینچلیک تامین ایتیش ایکن لیگینی کوریا یریم آرالی نینگ هسته ای قوراللردن تمیزلش ایکن لیگینی اورغوله دی.

باشقه تاماندن شمالی کوریا تشقی ایشلر وزیرلیگی تامانیدن بیریلگن بیاناتده، پیونگ یانگ اداره سی نینگ امریکا قوشمه ایالتلری بیلن مذاکره لرگه دوام ایتمس لیگی بیلدیریلدی.

واشنگتن اداره سی نینگ ایشانرلی بیر واسطه چیلیک وظیفه سینی یوقاتگن لیگینی اورغولنگن بیاناتده، "ینه بیر مرته تاکیید قیله میزکی، امریکا قوشمه ایالتلری بیلن یوزمه یوز اوچره شووگه نیتیمیز یوق" دیب تذکر بیریلگن.

سیئولده جنوبی کوریا تشقی ایشلر وزیری کانگ کیونگ-وها تامانیدن قبول بولیب اوچره شگن بیگون، ایرته گه جاپان گه اوتیب باره دی.

شمالی کوریا تشقی ایشلر وزیرلیگی بیرینچی اورینباسری چوئی سون هوئی، شنبه کونی بیرگن بیاناتیده، امریکا قوشمه ایالتلری نینگ پیونگ یانگ اداره سی گه قره ته "دشمنلیک" بیلن آلیب بارگن سیاستیدن قول تارتمه گن تقدیرده بو اولکه بیلن هسته ای قورال بوییچه اوچره شوولرنی دوام ایتتیریب باریش ریجه لری یوق لیگینی بیلدیرگندی.