امریکا قوشمه ایالتلریده وضعیت کنترول دن چیققن

امریکا قوشمه ایالتلری خلقی نینگ 80 فایزی, قاره تنلی جورج فلوید نینگ پولیس تامانیدن اولدیریلیشی آرتیدن, اوشبو اولکه ده وضعیت نینگ کنترول دن چیقیب کیتگن لیگی نی بیلدیرماقده. 

وال استریت جورنال و ان بی سی نیوز تامانیدن قیلینگن بیر تدقیقات, فلوید نینگ اولدیریلگن لیگی و کرونا ویروس سببلی 100 مینگ دن آرتیق کیشی نینگ حیاتی نی یوقاتگن لیگی نینگ اولکه ده جدی بیر بحران گه سبب بولگن لیگی نی کورسه تیب بیردی. 

جمهوریتچی لرنینگ 48 فایزی ناراضی چیلیک نمایش لری نینگ اولر نی فلوید نینگ اولدیریلیش طرزی دن آرتیغراق راحت سیز قیلگن لیگی نی بیلدیررایکن, دموکرات لر نینگ 81 فایزی مسئله نینگ تیسکری سی نی اویله ماقده. 

خلق نینگ 80 فایزی فلوید نینگ پولیس زورانلیگی نتیجه سیده اولدیریلیشی آرتیدن امریکا قوشمه ایالت لریده وضعیت نینگ کنترول دن چیقیب کیتگن لیگی نی اویله ماقده. 

دموکرات لرنینگ 75 فایزی کووید 19 نینگ کنترول آستیگه آلینیشی و وضعیت نینگ آلدینگی دیک بولیشی اوچون بیر ییل دن آرتیق بیر مدت گه ضرورت ایکن لیگی نی بیلدیرماقده. 

بیراق, امریکا قوشمه ایالتلری دولت رهبری دونالد ترامپ نی قوللب- قوتلیاتگن جمهوریتچی لرنینگ 32 فایزی کرونا نینگ کنترول آستی گه آلینگن لیگی نی اویله ماقده. 

اوشبو تدقیقات گه کوره, اپریل آیی بیلن سالیشتیریلگنده ترامپ نینگ قوللب- قوتله نیش میزانی بیر فایز مقیاسیده پسییب 45 فایز گه توشیب کیتگن لیگی گه قره مسدن, موجود بحران اوشبو میزان نینگ ینه ده کوپراق توشیب کیتیشی گه سبب بولمه گن. 

دموکرات دولت رهبرلیگی کاندیدی جو باید ایسه 49 فایز مقیاسیده خلق تامانیدن قوللب- قوتلنماقده.