ملا هبت الله نینگ کروناویروس دن اولگن لیگی ادعا قیلیندی

طالبان نینگ ییتکچیسی ملا هبت الله آخندزاده نینگ ینگی تور کروناویروس (کوید-19) کسل لیگی عاقبتیده جان بیرگن لیگی ادعا ایتیلدی.

امریکانینگ Foreign Policy مجله سیده نشر بولگن خبرده ایتیلیشیچه، طالبان گروهی نینگ ایچیدن بعضی بیر منبعلر طالبان ییتکچیسی ملا هبت الله آخندزاده نینگ ینگی تور کروناویروس (کوید-19) کسل لیگی عاقبتیده جان بیرگن لیگینی ایتگن.

 باشقه تاماندن ترور گروهی نینگ یوقاری سویه لی سیمالریدن علی جان احمد هم Foreign Policy گه بیرگن بیاناتیده آخندزاده نینگ کسل بولگن لیگینی تایید ایتیب، وضعیتی نینگ قانیقرلی ایکن لیگینی افاده ایتدی.

ترور تشکیلاتی تامانیدن موضوع بیلن تیگیشلی بیانات بیریلمه دی.

طالبان تشکیلاتی نینگ قورووچیسی ملا عمرنینگ اوغلی ملا یعقوب نینگ آخندزاده نینگ اورنیده وقتینچه تشکیلات رهبری ایتیب تعیین قیلینگن لیگی ادعا ایتیلماقده.

ملا یعقوب نینگ می آییده حربی بولیم ییتکچیسی ایتیب تعیین قیلینگن لیگی ایتیلگندی.

طالبان گروهی نینگ شریعت محکمه لری نینگ باشچیلیگینی باشقرگن آخندزاده، آلدینگی رهبرلری ملا منصورنینگ 2016 – ییلی می آییده پاکستان نینگ بلوچستان ایالتیده درونه هجومی آرقه لی اولدیریلیشی نینگ آرتیدن گروه نینگ باشقرووینی بوینی گه آلگندی.