فرانسه ده کوپلب کیشی قولگه آلیندی

فرانسه ده جمهوررئیس امانوئل ماکرون رهبریتی نینگ تقاعد رفرمی گه قرشی باشله تیلگن اعتصاب  دوام ایترایکن, ینه بیر بار اوشبو رفرم گه قرشی ناراضی چیلیک نمایش لری اوتکزیلدی. 

پاریس نینگ مون پارناس منطقه سیدن حرکت قیلگن مظاهره چی لر ایتالیا میدانی گه قدر یوریدی. 

ماکرون رهبریتی گه قرشی شعار بیرگن نمایشچی لر, تقاعد رفرمی دن وازکیچیلیشی نی طلب ایتدی. 

پاریس امنیه قوماندان لیگی تامانیدن بیریلگن بیاناتده,  پایتخت ده گی ناراضی چیلیک نمایش لری جریانیده 11 نفر نینگ قولگه آلینگن لیگی بیلدیریلدی. 

فرانسه نینگ باشقه شهر لری ده هم ناراضی چیلیک نمایش لری بولیب اوتدی. 

ایچکی ایش لر وزیرلیگی فرانسه ده گی ناراضی چیلیک نمایش لری گه 187 مینگ کیشی نینگ اشتراک ایتگن لیگی نی بیلدیردی. 

وزیرلیک پاریس ده گی مظاهره لر گه ایسه 23 مینگ کیشی نینگ اشتراک ایتگن لیگی نی معلوم قیلدی. 

تقاعد رفرمی گه قرشی باشله تیلگن اعتصاب 43 کون دن بیری دوام ایترایکن, اوشبو وضعیت ساغلیق و ترانسپورت سکتوری ده جدی معما لر گه سبب بولماقده. 

اتحادیه لر, اوشبو رفرم گه قرشی عکس العمل کورسه تیش اوچون 24 جنوری ده فرانسه ده ینه بیر مظاهره بولیب اوتیشی نی طلب ایتدی.