ترامپ جان بولتون نی ایشدن بوشَتدی

امریکا قوشمه ایالت لری دولت رهبری دونالد ترامپ, تویتر آرقه لی بیرگن بیاناتیده, توناون کیچه ملی خوفسیزلیک مصلحتچیسی جان بولتون گه, ایندی آق اویده اونگه ضرورت ایمس لیگی نی بیلدیرگن لیگی نی معلوم قیلدی. 

بولتون نینگ کوپلب فکر لری گه قتتیق مخالفت قیلگن لیگی و رهبریت ده گی کوپلب کیشی نینگ هم اونینگ بیلن همفکر ایکن لیگی نی معلوم قیلگن ترامپ, "شوباعث جان بولتون دن استعفا ایتیشی نی طلب ایتدیم. او هم بوگون ایرته لب استعفاسی نی مینگه تقدیم ایتدی.  خدمت لری اوچون بولتون گه منتدارچیلیک بیلدیرماقچی من" دییه قید ایتدی. 

ترامپ, کیلگوسی هفته بولتون نینگ اورنیگه باشقه بیر کیشی نی تعین قیله دیگن لیگی نی بیلدیردی. 

جان بولتون ایسه تویتر آرقه لی بیرگن بیاناتیده, "توناوکون کیچه دولت رهبری ترامپ گه استعفا قیله دیگن لیگیم نی بیلدیردیم.  او ایسه اوشبو خصوصده ایرته گه صحبت قیلیشی میز نی طلب ایتدی" دییه قید ایتدی.

اینیقسه ایران و ونزوئلا مسئله لری بوییچه ترامپ بیلن بولتون اورته سیده جدی کیلیشماوچیلیک لرنینگ موجود ایکن لیگی بیلینماقده ایدی.