طالبان گروهی بیلن کیلیشووگه قول قوییلیشی ممکن

طالبان نینگ قطرده جایلشگن دفتریده گی سوزچیسی سهیل شاهین امریکا قوشمه ایالتلری بیلن آلیب باریله یاتگن مذاکره لر بوییچه بیانات بیریب کینگی باسقیچده کیلیشوو برقرار بولیشی نینگ ممکن ایکن لیگینی ایتدی.

قطرنینگ پایتختی دوحه ده مطبوعاتگه بیانات بیرگن شاهین، "تینچ لیک اوچره شوولریده سونگی باسقیچ گه باریلدی. کیلگوسی هفته امریکالیک مسؤللر بیلن بولیب اوته دیگن اوچره شووده بو اولکه نینگ افغانستاندن قنداغ و قیسی شکلده چیقه جگی بوییچه کیلیشیب آله جگیمیزنی امید قیله میز" دیدی.

شاهین، ایککی تامان اورته سیده اوچره شوولرنینگ اوزلیکسیز دوام ایتیب تورگن لیگینی معلوم قیلیب، شدت و توقنه شوولرنینگ توخته تیلیشی بیلن تیگیشلی کیلیشووگه قوییلیشی نینگ ریجه لنگن لیگینی افاده ایتدی.

امریکا قوشمه ایالتلری نینگ افغانستان خاص نماینده سی زلمی خلیلزاد هم توناون کونی تویتر آدرسی آرقه لی ترقه تگن پیامیده، کیلیشوو احتمالیدن بحث قیلگن ایدی.

خلیلزاد؛

"اگر دوحه ده طالبان اوز ذمه سیگه توشگننی عملی قیلسه، بیز هم اوز ذمه میزگه توشگننی عملی قیله میز. شونده ی بولیب آیلب اورونگن کیلیشوونی نتیجه لندیره میز" دیب افاده ایتگن ایدی.