سعودی عربستان نینگ اسلام عالملری نی اعدام ایته دیگن لیگی ادعا قیلیندی

فلسطین مقاومت جنبشی دن عبارت حماس نینگ سیاسی دفتری نینگ اعضاسی موسی ابو مرزوق, سعودی عربستان نینگ رمضان آیی نینگ آخریده, مهم اوچ اسلام عالمی نی اعدام ایتیش اوچون تیارگرلیک اوتکزیاتگن لیگی نی ادعا قیلدی. 

ابو مرزوق, سعودی عربستان دن ایککی مسئول نینگ سوز لری گه تینتریب اجتماعی ترماق آرقه لی بیرگن بیاناتیده, 2017 – ییلده سعودی عربستان ده قملگن اسلام عالمی سلمان العوده, خطیب عواد القرنی و دینی برنامه لر آلیب باروچیسی علی العمری نینگ, رمضان آیی دن کیین اعدام ایتیله دیگن لیگی نی ادعا قیلدی.

ابو مرزوق, اوشبو کیشی لرنینگ اعدام ایتیلیشی بوییچه سعودی عربستان رهبریتی, حکم بیرگن لر و خوددی شوو حکم گه عکس العمل کورستمه گن کیشی لرنینگ مسئول بوله دیگن لیگی نی بیلدیردی. 

عینی دمده سعودی عربستان ده محکوم لرنینگ حق لری دن دفاع قیلیاتگن "مفکوره محکوم لری" اسمی گه ایگه تویتر حسابی آرقه لی بیریلگن بیاناتده, دین عالم لری نینگ اعدام ایتیلیشی نینگ جرم ایکن لیگی معلوم قیلیندی. 

اوشبو بیاناتده, اوز فکری نی ایتگن کیشی لر ایمس, بلکه مجرم لرنینگ اعدام ایتیلیشی کیره ک ایکن لیگی معلوم قیلینرایکن, عوده, قرنی و عمری نینگ مهم شخصیت لر ایکن لیک لری اوچون قملگن لیک لری بیلدیریلدی. 

توناوکون انگلستان نینگ Middle East Eye ناملی انترنت سایتی هم, حکومت دن ایککی منبع و اوشبو عالم لردن بیری نینگ قرینداش- اوروغ لری نینگ سوز لری گه تینتیریب بیرگن بیر خبریده, 2017 – ییلده قملگن عوده, قرنی و عمری نینگ رمضان آییدن کیین اعدام گه محکوم ایتیله دیگن لیگی نی ادعا قیلگن ایدی. 

اوتگن آیده سعودی عربستان ده "ترور تشکیلاتی قوریش و دشمن بیلن همکارلیک قیلیش" عیبلاو لری بیلن کوپچیلیگی شیعه لردن عبارت 37 کیشی نینگ اعدام ایتیلگن لیگی بیلدیریلگن ایدی.