سودان ده کودتا بولدی

سودان مدافعه وزیری, عالی حربی کینگش نینگ قدرت نی قولگه کیریتگن لیگی نی بیلدیردی. 

سودان اردوسی, جمهوررئیس عمر البشیر نینگ اوشلنگن لیگی, 2 ییللیک اوتیش دوری نینگ باشله گن لیگی و اوچ آیلیک بیر مدت بیلن اضطراری حالت اعلان قیلینگن لیگی نی معلوم قیلدی. 

عینی دمده مدافعه وزیری, سودان هوا ساحه سی و چیگره لری نینگ 24 ساعت لیک بیر مدت بیلن یاپیق بوله دیگن لیگی نی معلوم قیلرایکن, اساسی قانون بوییچه فعالیت لرنینگ معطل قیلینگن لیگی, باش وزیرلیک, پارلمان و ایالت رهبریت لری نی لغو قیلینگن لیگی نی بیلدیردی. 

سودان ده بیر آیلیک بیر مدت بیلن انسان لرنینگ آقشام ساعت 7 دن کیین کوچه گه چیقیش لری ممنوع قیلیندی. 

اردو بوگون ایرته لب دولت تلویزیونی و رادیوسی بیلن رسمی خبر آژانسی سونا نینگ بنا سی نی اوره ب آلگن ایدی. 

دولت تلویزیونی المیادین, اردو نینگ جمهوررئیس عمر البشیر و حکومت نی ایشدن بوشه تیش گه قرار قیلگن لیگی نی بیلدیرگن ایدی. 

کوچه لر گه حربی لر جایلشتیریلرایکن, جمهوررئیسلیک قصری تامان کیته دیگن یول ایسه یاپیلگن ایدی.