امریکا قوشمه ایالتلری کنگره سی نینگ ایلک حجابلی اعضاسی ترور هجومی بیلن تهدید ایتیلگن

امریکا قوشمه ایالتلری نینگ ایلک حجابلی مسلمان اعضاسی الهان عمرنینگ بیر پروگرام آرقه لی بارگن لوس انجلیسده بیر هوتلده ترور هجومی بیلن تهدید ایتیلگن لیگی بیلدیریلدی.

The Blast آتیده گی انترنیت سایتی تامانیدن قولگه کیریتیلگن محکمه اسنادلریگه کوره، عمر 23 – مارچ کونی اویوشتیریلگن مسلمان اجتماعی حق - حقوقلری بیلن تیگیشلی پروگرام گه صحبت قیلووچی اوله راق اشتراک ایتماقچی بولیب Woodland هوتلده قالگن. بیراق 19 مارچ کونی کیم لیگی نامعلوم بیر عیال کیشی قونغراق قیلیب مذکور پروگرامنی کنسل قیلیشینی خواهله گن.

کوریلمه گن نمبر بیلن قونغراق قیلیب عمرنینگ بو هوتلده قالیشی و پروگرام نینگ اجرا ایتیلیشی گه رخصت بیریلیشی تقدیرده هوتل نی پارتله تیب یوباریلیشی بیلن تهدید قیلگن.

بونینگ آرتیدن هوتل ملازیملری لوس انجلیس پولیس مسؤللریگه خبر بیریشی بیلن هوتل گه کیلیب هوتل نینگ تیلی سکرتر (برقی سکرتر) یده "اگر الهان عمرنینگ هوتل گه کیریشی گه رخصت بیرسنگیز، هوتلینگیز انفجار بیریله دی. او امریکا جمعیتی و سیزنینگ هوتل اوچون خطرلی دیر. اوز خوفسیزلیگینگیز اوچون اونینگ هوتل گه کیریشی گه رخصت بیرمنگ و پروگرامنی کنسل قیلینگ" دیب پیام قویگنینی انیقلب آلگن.

پروگرامنی اویوشتیرگن امریکا اسلام مناسبتی تامانیدن انترنیت سایتی آرقه لی نشر قیلینگن بیاناتده، تهدید توغریسیده اوزلری نینگ آگاهلنتیریلگن لیکلرینی بیلدیردی.