دونالد ترامپ جمال خاشیقجی بیلن تیگیشلی سواللرگه جواب بیردی

امریکا قوشمه ایالتلری باشلیغی دونالد ترامپ، تورکیه دن سعودی ژورنالیست جمال خاشیقجی نینگ لادرک بولیشی بیلن تیگیشلی ثبت بولگن سیس ویا تصویر بولسه طلب قیلگن لیکلرینی بیلدیردی.

دونالد ترامپ آق اویده ژورنالیستلرنینگ خاشیقجی بیلن تیگیشلی سوراللریگه جواب بیردی.

"تورکیه حکومتی ثبت بولگن سیس و تصویر موجود ایکن لیگینی ایتماقده." دیگن سوالگه، "بولسه اولرنی بیز طلب قیلدیک" دیب جواب بیردی.

" ثبت بولگن سیس و تصویر موجود بولسه حیران بولیب قاله سیز می؟ دیگن سوالگه

"یوق. موجود بولیشیدن امین ایمس من اما احتمالاً بار. تشقی ایشلر وزیری مایک پمپیئو امریکاگه قیتیب کیلگنده کینگ کولملی معلومات آله من. " دیب گپیردی.

ترامپ، مایک پمپیئونی حادثه نینگ اوستیدن تقریباً 2 هفته اوتیشیدن کیین سعودی عربستانگه جونتگن ایدی.

پمپیئو ریاضده آلیب بارگن یوقاری سویه لی اوچره شوولرنینگ آرتیدن پایتخت انقره گه کیلیب جمهور باشلیغی رجب طیب ایردو.غان و تشقی ایشلر وزیری مولود چاووش اوغلی بیلن اوچره شدی.

سعودی لیک ریفورمیستلر اوچون مهم بیر پلاتفورم بولگن الوطن روزنامه سیگه کتته حصه قوشگن و عین دمده واشنگتن پوست روزنامه سیگه یازوولر بیریب تورگن جمال خاشیقجی 2 اکتوبر سه شنبه کونی رسمی ایشلری اوچون سعودی عربستان نینگ استانبول باش قونسلخانه سیگه بارگندن کیین لادرک بولگن ایدی.