سعودی عربستانده یانغین؛ کوپلب کیشی جان بیردی

سعودی عربستان پایتختی ریاضده بیر بناده یوز بیرگن یانغین حادثه سی عاقبتیده 7 کیشی جان بیردی. 

ملکی مدافعه اداره سی نینگ ریاض سوزلاوچیسی محمد الحمدی, اوشبو یانغین سببی نینگ حاضرچه انیق ایمس لیگی نی بیلدیردی. 

الحمدی, اطفائیه, ملکی مدافعه و قیزیل یریم آی جمعیتی تیم لری نینگ تیزده حادثه محللی گه ییتیب بارگن لیک لری نی بیلدیررایکن, ایککی قواتلی بناده باشله گن یانغین نینگ اوچیریلگن لیگی نی معلوم قیلدی. 

عینی دمده الحمدی, اوشبو حادثه عاقبتیده 7 کیشی نینگ جان بیرگن لیگی و 8 نفر نینگ ایسه یره لنگن لیگی نی ایسله تیب اوتدی. 

یانغین حادثه سی نینگ یوز بیرگن بناده 54 کیشی نینگ یشیاتگن لیگی, یانغین جریانیده 45 نفر نینگ ایچکریده ایکن لیگی نی معلوم قیلگن الحمدی, یانغین نینگ سببی بیلن علاقه لی تیرگاو باشله تیلگن لیگی نی بیلدیردی.