پی وای دی/وای پی جی نینگ انسان حقلری اخلال لری

پی کاکا/کا جی کا قوریلگن کوندن بیری, شرقی و جنوبشرقی انادولو منطقه لریده یشیاتگن انسان لر گه قرشی باسیم و خشونت دن فایده له نیب (قشلاق لر گه باسیب کیریش, سوء قصد, کوچ ایتیب کیتیش گه مجبور قیلیش, آلیب قاچیریش, قورقیتیش و باشقه میتود لر) منطقه خلقی نی اولر نی حمایت ایتیش گه مجبور قیلیش ستراتیژی سی نی تطبیق ایتیب کیلماقده. اوشبو ترور تشکیلاتی نینگ سوریه ده گی قسمیدن عبارت پی وای دی/وای پی جی هم سوریه خلقی گه قرشی خودی منه شونده ی بیر ستراتیژی دن فایده لنماقده.  

پی وا دی/وای پی جی ترور تشکیلاتی منطقه ده بیرته گینه اوزی نینگ حاکم بوله آلیشی اوچون منطقه ده یشیاتگن کُرد لر, عرب لر, تورکمن لر و یزیدی لر کبی اتنیکی عنصر لر گه قرشی تبعیض داخل کوپلب انسان حق لری اخلال لریگه سبب بولماقده.  اوشبو اخلال لر خلق ارا انسان حقلری تشکیلات لری تامانیدن تعقیب ایتیلرایکن, ترور تشکیلاتی نینگ اوشبو عمل لری راپور لرده انعکاس ایتگن.  ترور تشکیلاتی پی وای دی/وای پی جی نینگ ظلمی سببلی کوپلب منطقه یشاوچی سی منطقه نی ترک ایتیش گه مجبور بولیب قالدی.  پی وای دی/وای پی جی نینگ ظلمیدن قاچگن کیشی لر تورکیه نینگ چیگره لری نی سوریه لیک مهاجر لرگه آچیب بیریشی نتیجه سیده باش پنه سوره ب اولکه میز گه کیلدیلر.  برچه انسان حق لری اخلال لری گه قره مسدن, ترور تشکیلاتی داعش گه قرشی کوره ش (سوزده) بهانه سی بیلن پی وای دی/ وای پی جی نینگ خلق ارا کوچ لر نینگ حمایه سی نی کسب ایتیاتگن لیگی کوریندی.  داعش گه قرشی کوره ش (سوزده) بهانه سی بیلن بیریلگن قورال و مهمات نینگ بویوک بیر قسمی نینگ منطقه ده یشیاتگن کرد لر, عرب لر و تورکمن لر کبی خلق لر نینگ ترور تشکیلاتی نینگ کنترولی آستی گه آلینیشی اوچون استفاده ایتیلدی.   

مثال قیلیب آلگنده, میلادی 2016 نچی ییلی جنوری آییده سوریه انسان حق لری تشکیلاتی تامانیدن ترقه تیلگن راپورده, پی وای دی/ وای پی جی نینگ کنترولی آستیده گی منطقه لرده باشقه ملیت لرنی یوق ایتیش, اوز باشیمچه بیر شکلده انسان لرنی اوشلش, عسکرلیککه آلیش و کوچ ایتیش گه مجبور قیلیش کبی کوپلب انسان حق لری اخلال لری نینگ کورینگن لیگی معلوم قیلینگن. راپور نینگ ترقه تیلگن کونگه قدر بولگن مدت دوامیده, کمیده 407 نفر عادی اهالی نینگ پی وای دی/وای پی جی تامانیدن اولدیریلگن لیگی معلوم قیلیندی. اوشبو اولدیریلگن کیشی لرنینگ 51 نفری نینگ باله لر و 43 کیشی سی نینگ ایسه عیال لر دن عبارت ایکن لیک لری بیلدیریلماقده.  16 نفر نینگ ایسه قییناق قیلیب اولدیریلگن لیگی بیلدیریلماقد .

انسان حقلری نی تعقیب ایتیش تشکیلاتی تامانیدن میلادی 2014 نچی ییلی جون آییده ترقه تیلگن "کرد لرنینگ کنترولی آستیده: سوریه ده پی وای دی منطقه سیده گی ظلم" عنوانی گه ایگه راپورده هم, ترور تشکیلاتی پی وای دی/وای پی جی نینگ, اونگه رقیب بولگن کیشی لر گه اوشلش, آلیب قاچیریش و اولدیریش کبی میتود لر دن استفاده ایتیاتگن لیگی معلوم قیلیندی. اینیقسه پی وای دی گه مخالف حزب لر دن سوریه کرد دموکرات حزبی, یکیتی و آزادی اعضا لری نی اوز باشیمچه اوشلیاتگن لیگی بیلدیریلگن.

پی وای دی/وای پی جی نینگ باشقه ملیت لرنی یوق ایتیش سویه سی گه کیلیب قالگن انسان حقلری اخلال لریگه مثال لر؛

مخالفلرنی اولدیرماقده

سوریه ده الترناتیف بیر ساختار گه اجازت بیرمیاتگن ترور تشکیلاتی پی وای دی/وای پی جی نینگ, مخالف لرنی اولدیریش فعالیت لری آلیب بارماقده.

ترور تشکیلاتی پی وای دی/وای پی جی اوشبو فعالیت لری نی میلادی 2011 نچی ییلیده سوریه ده گی مخالف کرد لر دن تشکیل تاپگن کیله جک نینگ حزبی رهبری میشل تیموگه قره تیلگن سوء قصد بیلن باشله دی.  رژیم بیلن همکارلیک ایتگن لیگی بیلدیریلگن ترور تشکیلاتی نینگ اوشبو ایشی منطقه ده کوپلب کرد لرنینگ عکس العمل کورسه تیشی گه سبب بولدی.

پی وای دی/ وای پی جی نینگ سوء قصدی آرتیدن مخالف لری گه قره تیلگن هجوملری دوام ایتدی.  قبیله باشلیغی عبدالله بدرو و سوریه کرد لری دموکراتیک بیرلیک حزبی نینگ حلب مسئولی شیرزاد حاج رشید ترور تشکیلاتی نینگ سوء قصد فعالیت لری نتیجه سیده اولدیریلدی. 

عینی دمده, سوریه کردستان دموکرات حزبی نینگ باشلیغی صلاح بدرالدین, ترور تشکیلاتی نینگ باسیم لری سببلی آلمان آرقه لی اربیل گه قاچیش گه مجبور بولیب قالدی. 

اوروش دن آلدین سوریه ده 12 کرد گروپ موجود ایکن, حاضرگی کونده فقط گینه پی وای دی/ وای پی جی نینگ موجود ایکن لیگی کورینماقده.  یوزلب کرد باسیم لر سببلی پی وای دی/ وای پی جی نینگ کنترولی آستیده گی منطقه لردن قاچیب کیتیش گه مجبور بولدی.  350 مینگ کرد باش پنه سوره ب تورکیه گه کیلدی.  خودی منه شوو کرد لر حاضرگی کونده هم سوریه ده یشه ماقده. 

بوندن تشقری, میلادی 2013 نچی ییلی جون آیی نینگ 27 نچی کونیده آموده ده, پی وای دی/ وای پی جی مخالف لری ناراضی چیلیک نمایشلری اوتکزدی.  پی وای دی/ وای پی جی  ترورچیلری ایسه اوشبو مظاهره چیلر گه قره ته اوق اوزدی.  شونده ی قیلیب 3 کونده 8 نفر مظاهره چی جان بیردی.  خودی منه شوو ناراضی چیلیک نمایش لری جریانیده 50 نفر یکیتی حزبی اعضاسی پی وای دی/ وای پی جی مرکزی گه آلیب باریلیب کلتکلندی. 

اوشلنگن یاکه نظارت آستی گه آلینگن لر گه قرشی انسان حقلری اخلال لری

ترور تشکیلاتی تامانیدن پولیس اوله راق تانیتیلگن "آسایش" طرفیدن قیلینگن انسان حقلری اخلاللری, انسان حقلری نی تعقیب ایتیش تشکیلات لری راپوریده اورین آلدی.  ترور تشکیلاتی تامانیدن اوشلنگن کیشی لرنینگ قییناق قیلینگن لیک لری و کوپچیلیگی نینگ اوشبو مدت دوامیده جان بیرگن لیکلری کوریندی. HRW  نینگ راپوری گه کوره؛ عفرینده اوشلنگن حنا همدوش, معلوم بیر مدت کیین اولدیریلرایکن, بیراق, پی وای دی/ وای پی جی تامانیدن اوشبو کیشی نینگ باشینی دیوارگه اوریب اولگن لیگی ادعا ایتیلگن ایدی.  میلادی 2014 نچی ییلی فبروری آییده سره کانیه ده یوز بیرگن باشقه بیر حادثه ده ایسه 24 یاشلی رشوان آتش, بیر "آسایش" منسوبی تامانیدن اولدیریلگن ایدی.

راپورگه کوره, میلادی 2012 نچی و 2014 نچی ییل لری آره سیده منطقه ده 9 کیشی نینگ اولدیریلگن لیگی یاکه یوقالیب کیتگن لیگی و خودی منه شوو کیشی لرنینگ همه سی نینگ پی وای دی/ وای پی جی مخالف لریدن عبارت ایکن لیک لری نینگ خوفسیزلیک کوچلری نینگ اوز باشیمچه حرکت لری بوییچه خواطر گه سبب بولماقده. 

عیاللر و باله لر گه قره ته خشونت

ترور تشکیلاتی پی وای دی/ وای پی جی سوریه ده قولگه کیریتگن منطقه لرده گی حاکمیتی نی مستحکم لشتیریش, مخالف لرنی یوق ایتیش و آدم توپلش مقصدی بیلن تیز تیز عیاللر و باله لر گه قرشی خشونت قیلیب کیلماقده. 

ترور تشکیلاتی پی وای دی/ وای پی جی نینگ اوشبو عمل لری SNHR نینگ میلادی 2016 نچی ییلی جنوری آییده ترقتگن راپوریده هم اورین ایگلله گن.  اوشبو راپورده؛ میلادی 2011 و 2016 نچی ییل لری آره سیده 42 عیال نینگ ترور تشکیلاتی پی وای دی/ وای پی جی ترورچیلری تامانیدن اولدیریلگن لیگی معلوم قیلینگن.  خودی منه شوو عیاللردن بیری بولگن, حلب گه باغلیق سای غول قشلاغی یشاوچی سی نبیه الصلاح دن عبارت بولیب, اوشبو کیشی میلادی 2015 نچی ییلی آگست آیی نینگ 14 نچی کونیده پی وای دی/ وای پی جی ترورچی لری طرفیدن الرقه بیلن تل ابیض یولیده 3 مرمی بیلن آتیب اولدیریلدی.

اوشبو راپورده گی دقتگه سزاوار باشقه بیر مثال ایسه طرفه خلیل الحسود نامیده گی 58 یاشلی عیال دن عبارت. ایرینی اولدیرگن پی وای دی/ وای پی جی ترورچی لریدن قاچیشگه حرکت ایترایکن, اوییده گی طویله سیده اولدیریلدی. عینی دمده اوشبو راپورگه کوره, پی وای دی/ وای پی جی میلادی 2014 نچی ییلی جنوری آیی بیلن میلادی 2015 نچی ییلی اکتور آی لری آره سیده حسکه, قامیشلی, عفرین کبی منطقه لرده "مجبوری عسکرلیک" آتی بیلن 88 عیال نی آلیب کیتگن. 

ملیت لرنی یوق ایتیش و اجباری کوچ ایتتیریش

ترور تشکیلاتی پی وای دی/ وای پی جی نینگ حاکم بولگن منطقه لرده کوپ سانلی عرب و تورکمن لردن تشقری, سریانی لر و ارمنی لر هم موجود.  قولگه کیریتگن منطقه لرده اوز حاکمیتی نی مستحکم لشتیریش گه حرکت ایتیاتگن ترور تشکیلاتی, انسان لرنی منطقه نی ترک ایتیش گه مجبور قیلرایکن, بعضی مسکونی منطقه لرنی یاقیب نفوس ساختاری نی اوزگرتماقده.  

انسان حقلری سوریه قسمی (SNHR)نینگ راپوریده حسکه ده قریب 100 تورکمن عایله سی نینگ خشونت و باسیم گه دوچ کیلیب قالگن لیگی بیلدیریلماقده.  تورکمن لرنینگ آلدین سوریه نینگ فرقلی جای لریگه کیین چه لیک ایسه تورکیه گه کوچ ایتیش گه مجبور بولیب قالگن لیک لری معلوم قیلینماقده.  

اوشبو تشکیلات تامانیدن میلادی 2016 نچی ییلیده تیارلنگن راپورده, پی وای دی/ وای پی جی نینگ مسکونی منطقه لرگه کیریب اوغیرلیک قیلگن لیک لری, کرد لرنینگ موجود بولمه گن جای لرده باشقه ملیت لرنی یوق ایتگن لیگی, اوی لرنی تخریب قیلیب یاققن لیگی و انسان لرنی کوچ ایتیش گه مجبور قیلگن لیگی بیلدیریلماقده. 

 اوشبو راپورگه کوره کوپچیلیگی عرب لر دن عبارت, اون مینگلب کیشی پی وای دی/ وای پی جی تامانیدن کوچ ایتتیریلرایکن, کوپلب قشلاقلر ویران قیلیندی.  روم کنوانسیونی 8 نچی ماده سی گه کوره, اوشبو عمل لرنینگ همه سی, اوروش جرمی و بشریت گه قرشی بیر جرم ایکن لیگی بیلدیریلرایکن, شونده ی قیلیب خلق ارا انسان حق لری حقوقی گه ضد ایکن لیگی بیلدیریلماقده.  SNHR تامانیدن تیارلنگن راپورگه کوره, 9 مسکونی منطقه نینگ همه سی تخریب ایتیلیب منطقه یشاوچی لری هیده ب یوباریلرایکن, 19 قشلاق نینگ باسقیچ مه باسقیچ یوق ایتیلگن لیگی و خواهلنمه گن کیشی لرنینگ بو جغرافیه لردن تبعید ایتیلگن لیگی بیلدریلماقده. عینی دمده پی وای دی/ وای پی جی قولگه کیریتگن قشلاق لرده؛ باشقه ملیت لرنی یوق ایتیش مقصدی بیلن تهدید و خشونت آرقه لی کرد بولمه گن انسان لر نی منطقه دن هیده یاتگن لیگی معلوم قیلینماقده. SNHR تامانیدن تیارلنگن راپور گه کوره, کمیده 49 مسکونی نقطه دن اون مینگلب کیشی هیده ب یوباریلگن.

ترور تشکیلاتی پی وای دی/ وای پی جی؛ میلادی 2015 نچی ییلی می آیی نینگ 26 نچی کونیده حسکه نینگ جنوبیده گی 26 دن آرتیق قشلاق یشاوچی سی گه اوشبو منطقه نی ترک ایتیش لری اوچون 24 ساعت مهلت بیرگن لیگی نی بیلدیرگن ایدی.  اوشبو قشلاق لردن بیریده یشیاتگن بیر شاهد نینگ راپورده اورین آلگن سوز لری گه کوره؛ پی وای دی/ وای پی جی ترورچی لری قشلاققه کیلگچ عرب لر گه حمله قیلرایکن, (سوزده) کردستانده عرب لر و تورکمن لر نینگ بولمس لیگی کیره ک ایکن لیگی بیلدیریلیب کوپلب اوی ترورچی لر تامانیدن یاقیلگن.  راپورده اورین آلگن باشقه بیر حادثه ده ایسه, میلادی 2015 نچی ییلی فبروری آییده حسکه ده 100 تورکمن عایله سی نینگ اوشله نیب, قییناق قیلینیشی آرتیدن منطقه دن هیده ب یوباریلگن لیگی بیلدیریلماقده.  اوشبو عایله لر اوز اوی لری نی ترک ایتیب ترکیه گه قاچیب کیلگن لر.  خلق ارا عفو تشکیلاتی نینگ میلادی 2015 نچی ییلی اکتوبر آییده شاهد لرنینگ سوز لری, ستلایت تصویر لری و متخصص لرنینگ تحلیل لری گه بناً ترقتگن, "کیته دیگن باشقه بیر جایی میز یوق" عنوانی گه ایگه راپوریده؛ ترور تشکیلاتی پی وای دی/ وای پی جی نینگ باشقه ملیت لر نی یوق ایتیش, تبعید و تخریب فعالیت لری گه اورین اجره تیلگن. 

تل خمیس نینگ چیککه حدود لریده اورین آلگن عرب قشلاغی حسینیه ده آلیب باریلگن تحقیقات و تخریب ایتیلیشی آرتیدن قشلاق یشاوچی لری بیلن قیلینگن مصاحبه لر گه اورین اجره تیلگن راپورده. قشلاق نینگ میلادی 2014 نچی ییلی جون آیی بیلن میلادی 2015 نچی ییلی جون آیلریده گی وضعیتی ستلایت تصویر لریدن فایده له نیب مقایسه قیلینرایکن, 225 بنا نینگ موجود بولگن قشلاق نینگ بیر ییلده 94 فایزی نینگ تخریب ایتیلگن لیگی و فقط گینه 14 بنا نینگ قالگن لیگی کوریندی.      

خلق ارا عفو تشکیلاتی متخصصی لیما فاکح, " عادی اهالی نینگ اوی لری و قشلاق لری نی بوتونلی یاقیب و ویران ایترایکن, منطقه یشاوچی لرینی سبب سیز بیر شکلده هیده ب یوباریاتگن پی وای دی/ وای پی جی خلق ارا انسان حق لرینی اویاتسیز بیر شکلده پایمال قیلماقده" دییه قید ایتدی.

باله اوروشچیلر                                                                             

ترور تشکیلاتی پی وای دی/ وای پی جی, سوریه ده ترورچیلیک فعالیتلری دایره سیده قولگه کیریتگن توپراق لرده اوز حاکمیتی نی مستحکم لشتیریش اوچون کوپلب باله لرنی اوز صفلری گه قوشرایکن, اوشبو باله لرنی جبهه ده بیرینچی صفده اوروشتیرماقده. 

کوپلب خلق ارا کنوانسیون لرده, ( اوروش پیتیده عادی اهالی نینگ قورینیشی بیلن علاقه لی میلادی 1949 نچی ییلیده گی ژنیو کنوانسیونلری, ژنیو کنوانسیون لریگه قوشیمچه پروتکل, میلادی 1989 نچی ییلیده گی بیرلشگن ملت لر تشکیلاتی باله حقلری کنوانسیونی و باله حق لریگه قوشیمچه پروتکل ) باله لرنینگ اوروشتیریلیشی ممنوع قیلینگن. پی وای دی/ وای پی جی نینگ اوشبو ممنوعیت نی اخلال قیلگن لیگی, کوپلب مستقل خلق ارا موسسه لر نینگ راپورلریده اورین آلگن وضعیتده.   

بیرلشگن ملت لر تشکیلاتی خلق ارا مستقل سوریه تحقیقات کمیسیونی نینگ میلادی 2013 نچی ییلی آگست آیی نینگ 16 نچی کونیده ترقتگن راپوریده؛ عفرین و حسکه ده پی وای دی/ وای پی جی نینگ 12 یاشیده گی قیز و ایرکک باله لرنی اوز صفلری گه قوشیب آلگن لیگی بیلدیریلدی.

بیرلشگن ملت لر تشکیلاتی نینگ "سوریه ده گی باله لر و قوراللی اوروشلر" عنوانی گه ایگه راپوریده, حسکه منطقه سیده یاش لری 14 – 17 اورته سیده بولگن باله لرنینگ ترور تشکیلاتی منسوبی گه ایلنتیریلگن لیگی و خودی منه شوو باله لردن اوروش لر و کنترول نقطه لریده استفاده ایتیلگن لیگی معلوم قیلینگن وضعیتده.

امریکا قوشمه ایالتلری نینگ میلادی 2016 نچی ییلی جون آییده ترقتگن انسان تجارتی راپوریده؛ ترور تشکیلاتی پی وای دی/ وای پی جی نینگ 15 یاشدن دن کیچیک قیز و ایرکک باله لرنی اوزیگه جذب و استفاده ایتیب, کمپ لرده تعلیم بیریش گه دوام ایتیاتگن لیگی معلوم قیلیندی. خودی منه شوو راپورگه کوره؛ میلادی 2015 نچی ییلی اپریل آییده, عفرینده عایله سی نینگ اعتراض لری گه قره مسدن 16 یاشلی بیر قیز باله ترور تشکیلاتی پی وای دی/ وای پی جی تامانیدن آلیب قاچیریلگن.

انسان حقلری نی تعقیب ایتیش تشکیلاتی نینگ میلادی 2014 نچی ییلیده ترقتگن "کرد حاکمیتی آستیده" عنوانی گه ایگه راپوریده؛ وای دی/ وای پی جی – وای پی ژی نینگ 18 یاشدن کیچیک باله لرنی ترور تشکیلاتی گه قوشیب آلگن لیگی و اوروشتیرگن لیگی بیلدیریلدی.  انسان حقلری نی تعقیب ایتیش تشکیلاتی نینگ 59 باله دن تشکیل تاپگن بیر لست قولیده بولگن لیگی و بحث موضوعی باله لردن 10 نفری نینگ 15 یاشدن کیچیک ایکن لیک لری معلوم قیلیندی.