جان مک کین: داعش گه کوره پوتین یامان راق دیر

امریکالیک سناتور جان مک کین، روسیه دولت رئیسی ولادیمیر پوتین نینگ ترور تشکیلاتی داعش گه کوره کوپراق خوفلی ایکن لیگینی ایتدی.

آسترالیاگه سفر قیلگن مک کین، آسترالیا نشرات ارگانی ABC نینگ 7:30 آتیده گی خبر پروگرامی گه بیانات بیردی و کونده لیک موضوع لر بیلن علاقه لی فکر بیلدیردی.

مک کین، بیاناتده پوتین اوچون "داعش دن آلدین بیرینچی اورین ده تورگن مهم خوفلی" دیب ایتدی.

مذکور سناتور "روسیه نینگ دموکراسی نینگ اساسینی برهم اوروب، امریکا قوشمه ایالتلریده 8 – نومبرده بولیب اوتگن ریاست سیلاوی نینگ نتیجه سیگه اوزگریش کیلتیرماقچی بولگن لیگینی اورغولب، موفق بولگن لیکلری بیلن تیگیشلی هیچ بیر دلیل کورمه دیم لیکن سینه دیلر و سینش گه دوام ایتماقده لر." دیدی.    

مک کین روسیه نینگ فرانسه ده جمهور رئیس لیک سیلاو نتیجه لریگه هم اوزگریش کیلتیرماقچی بولگن لیگینی ادعا ایتیب، مستقل بیر اولکه بولگن اوکراین نی پارچه له گن بالتیک منطقه سیده باسیم قیلگن اولکه نینگ روسیه ایکن لیگینی بیلدیردی.

امریکا قوشمه ایالتلری نینگ روسیه گه تحریم بیلن جواب بیریشی کیره ک ایکن لیگینی ایتگن مک کین، امریکا قوشمه ایالتلری دولت باشلیغی دونالد ترامپ نینگ هم ملی خوفسیزلیک توغریسیده گی ایش لری نینگ اونگه سلبی تأثیر قالدیرگن لیگینی قید ایتدی.