فرانسه ده روسیه میدیاسی ممنوع قیلیندی

جمهوررئیس لیگی کاندید لری دن بیری بولیب ایککینچی روند ده افراطی راستگرا مارین لی پن بیلن رقابت قیلیش حقی گه ایگه بولگن امانویل ماکرون, روسیه عسکری استخباراتی نینگ اونی هدف قیلیب آلگن لیگی نینگ معلوم قیلینیشی آرتیدن, روسیه گه باغلیق ایککی میدیا اورگانی نینگ کمپاین فعالیت لری حقیده معلومات آلیشی گه اجازت بیریلمس لیگی گه قرار بیردی. 

اوشبو دایره ده, روسیه دولتی نینگ Russia Today تلویزیونی و اسپوتنیک خبر آژانسی نینگ کمپاین لر دن خبر تهیه قیلیش حق لری بیکار قیلیندی. 

روسیه, فرانسه ده بیر شرکت نینگ ادعا قیلگن و فرانسه حکومتی سایبری امنیت آژانسی تامانیدن هم تصدیق لنگن هجوم لرنینگ روسیه طرفیدن اویوشتیریلمه گن لیگی نی بیلدیرگن ایدی. 

فرانسه ده گی سیلاو لر گه تاثیر قالدیریش و روسیه بیلن مناسبت لری یخشی بولگن لی پن نینگ حمایه له نیشی اوچون روسیه نینگ ایریم الکترونیک استخبارات میتود لری دن فایده له نیشی نینگ ممکن ایکن لیگی, جمهوررئیس لیگی سیلاو لر جریانیده بحث موضوعی بولگن ایدی.