سعودی عربستانده ایلک مراتبه بیر عیال فاکولته رئیسه سی بولدی

سعودی عربستانده معارف وزیرلیگی, اولکه تاریخیده ایلک مراتبه قیز و ایرکک باله لرنینگ اوقیتگن بیر فاکولته نینگ رئیسه سی صفتیده عیال بیر استاد نی تعین قیلدی. 

وزیرلیک نینگ قراری بیلن طائف عالی بیلیم یورتی طلب فاکولته سی رئیسه سی اوله راق تعین ایتیلگن پروفیسر داکتر دلال محی الدین نمنقانی نینگ اکادمیک جهت دن اوشبو وظیفه اوچون اویغون ایکن لیگی بیلدیریلدی. 

طائف عالی بیلیم یورتی ده گی اوشبو ینگی لیک آرتیدن یقین بیر کیله جکده باشقه عالی بیلیم یورت لریده هم بونگه اوخشش ینگی لیک لرنینگ یوز بیریشی نینگ ممکن ایکن لیگی قید ایتیلرایکن, خودی منه شوو اقدام نینگ عیال لرنینگ کیله جگی گه مثبت تاثیر قالدیره دیگن لیگی بیلدیریلدی. 

سعودی عربستانده فاکولته رئیس لری نینگ همه سی ایرکک استاد لر دن عبارت ایدی. 

ریاض رهبریتی نینگ, "میلادی 2030 نچی ییلی هدف لری" آره سیده اورین آلگن, "عیال لرنینگ فعال بیر شکلده ایشلش لری" هدفی دایره سیده اوتگن هفته هم اولکه تاریخیده ایلک مراتبه بیر عیال کیشی خصوصی بیر بانک نینگ رئیسه سی بولگن ایدی.