حوثی لر سعودی عربستان پایتختی ریاض نی اوردی

حوثی لر سعودی عربستان نی اسکاد بیلن اوردی. 

سعودی عربستان پایتختی ریاض ده جایلشگن حربی بیر مرکز نینگ ایران تامانیدن حمایه له نیتگن یمن ده گی حوثی لر طرفیدن بالیستیک موشک بیلن اوریلگن لیگی ادعا قیلیندی. 

یمن ده حکومت گه مخالف حوثی لر, ریاض گه قره تیلگن هجوملری نی دوام ایتتیره دیگن لیک لری نی بیلدیردی. 

اسوشیتید پریس اوشبو حمله نینگ, ایران تامانیدن حمایه له نیتگن شیعه جنگری لر طرفیدن ریاض گه قره ته اویوشتیریلگن ایلک راکتی هجوم دن عبارت ایکن لیگی نی معلوم قیلدی. 

حوثی لرنینگ خبر آژانسی دن عبارت SABA , ریاضده اوریلگن اوشبو حربی مرکز نینگ یمن پایتختی صنعا دن  بیرمینگ کیلومتر لیک بیر مسافه ده اورین آلگن لیگی نی بیلدیردی. 

حوثی لر اوتگن هفته ده هم قیزیل دینگیز ده سعودی عربستان نینگ اوروش کیمه سی گه قره ته انتحاری هجوم اویوشتیررایکن, اوشبو حادثه عاقبتیده سعودی عربستان نینگ ایککی حربی سی جان بیرگن ایدی. 

سعودی عربستان ایتکچی لیگی ده گی عرب ائتلافی کوچ لری, یمن نینگ خلق ارا مقیاس ده تن آلینگن حکومتی نی حمایه لش اوچون میلادی ۲۰۱۵ نچی ییلی مارچ آییدن بیری حوثی لر گه قره ته عملیات آلیب بارماقده.