دونالد ترامپ اوز هم حزب لری تامانیدن تنقید ایتیلماقده

دونالد ترامپ اوز هم حزب لری تامانیدن تنقید ایتیلماقده

امریکا قوشمه ایالتلریده جمهوریتچی حزبی نینگ کاندیدی دونالد ترامپ حزب نینگ ایچیده گی مخالف لر تامانیدن تنقید ایتیلماقده. حزب نینگ خوفسیزلیک و تشقی سیاست ساحه سیده گی 50 کیشی لیک مهم سیمالر ترامپ سیلنگنده امریکانینگ "بی پروا" دولت باشلیغی بولرلیگی بیلن علاقه لی بیر نامه نینگ قلم گه آلگن لیکلری بیلدیریلدی.

مرکزی استخبارات تشکیلاتی (CIA) نینگ ایسکی رئیس لریدن مایکل هایدن، امریکا قوشمه ایالتلری ایسکی تشقی ایشلر وزیری اورین باسری رابرت زولیک، ایچکی خوفسیزلیک ایسکی وزیرلری مایکل چرتوف و تام ریج شونگه اوخشب امریکانینگ انقره ایسکی بویوک ایلچی لری ایریک ادلمن و جیمز جفری داخل توپلم 50 کیشی تامان یازیلگن نامه امریکا قوشمه ایالتلری مطبوعاتی آرقه لی یایینلندی.

نامه ده ترامپ نینگ دولت رئیس لیگی اوچون ییترسیز ایکن لیگینی معلوم قیلیب، 8 نچی نومبر تاریخیده بولیب اوته دیگن سیلاوده ترامپ گه رای بیرمس لیکلرینی بیلدیرگنلر.

مذکور مکتوب ده "حرمتلی ترامپ دولت رئیس بولیشی اوچون ییترلی کرکتر، ارزشلر و تجربه دن محروم دیر. آزاد دنیانینگ رهبری بولیب تورگن امریکا قوشمه ایالتلری نینگ اخلاقی و معنوی حاکمیتینی ضعیف قیلماقده. دینی بغری کینگ لیک، سوز ایرکین لیگی و مستقل قضانی هم اوز ایچیگه آلگن امریکانینگ اساسی قانونی، ایریم قانونلری و اداره لری بیلن علاقه لی اساسی و بنیادی معلوماتلرگه ایگه بولمه گن لیگی کوریلماقده دیر"، دیب ایتیلگن.

تشقی سیاست نگاهیده قره گنده دونالد ترامپ ده دولت رئیس لیگی و باش قومندان لیک واصف لری یوق دیر. او خطرناک بیر رئیس بوله دی اولکه میزنینگ ملی خوفسیزلیگینی خطرگه مواجه قیلرلیگی گه ایشنماقده میز دیب تذکر بیریلماقده.

باشقه بیر تاماندن ترامپ حزب نینگ ایچیده گی مخالف گروه گه قتیق بیر شکلده جواب بیردی. ترامپ تامان بیریلگن تحریری بیاناتده اساساً نامه گه قول قویگنلر اوز سیاست لری بیلن دنیانینگ خوفسیزلیگینی برهم اوروب خطرگه مواجه قیلماقده لر. اولرنی هنوز هم اقتدارگه کیلیش اوچون کوشش قیلیب تورگن موفقیت سیز واشنگتن سیمالری اوله راق بهالندیردی.