تورک دنیا سی داکترلری ییغیلیشی بولیب اوتدی

شمالی قبرس تورک جمهوریتیده تورک دنیاسی و بالکان لردن کیلگن باله لر داکتر لری نینگ ییغیلیشی بولیب اوتدی.  اوشبو ییغیلیش تورکیه ملی پیدیاتری اویوشمه سی تامانیدن ترتیب لندی. 

گیرنه شهریده بولیب اوتگن اوشبو ییغیلیش گه, خلق ارا پیدیاتری اداره سی نینگ باشلیغی پروفیسر داکتر انور حسن اوغلی و مذکور اداره نینگ تشقی علاقه لر مسئولی کرم حسن اوغلی دن تشقری تورکیه ملی پیدیاتری اویوشمه سی مسئوللری و 400 گه یقین متخصص اشتراک قیلدی. 

شمالی قبرس تورک جمهوریتی جمهوررئیسی ارسین تاتار, اوشبو ییغیلیش دایره سیده خلق ارا پیدیاتری اداره سی نینگ باشلیغی و مذکور اداره نینگ تشقی علاقه لر مسئولینی قبول قیلدی. 

اوچره شووده, شمالی قبرس تورک جمهوریتی نینگ تن آلینیشی بوییچه ساغلیق نی سقلش بوییچه قیلینیشی ممکن بولگن همکارلیکلر حقیده سوز یوریتیلدی. 

ییغیلیش بیلن علاقه لی بیانات بیرگن انور حسن اوغلی, سونگّی پیتلرده شمالی قبرس تورک جمهوریتی ده قیلینگن فعالیت لر توغریسیده معلومات بیردی. 

حسن اوغلی, اوشبو ییغیلیش نینگ شمالی قبرس تورک جمهوریتی ده ترتیب له نیشی بوییچه مقصد نینگ, مذکور اولکه نینگ تن آلینیشی اوچون شرایط تامین ایتیب بیریش و خوددی شوو اولکه نی توشینتیریب بیریش دن عبارت ایکن لیگینی بیلدیردی.