کرونا گه قرشی ایملنگن کیشیلرنینگ اوچینچی مراتبه ایمله نیش گه مجبور بولیشی ممکن

امریکا نینگ فایزر شرکتی, ینگی تور کرونا ویروس (کووید 19) گه قرشی ایملنگن کیشی لرنینگ اینگ کیچ 12 آی مابینیده اوچینچی دوز واکسین گه ضرورت حس ایتیش لری نینگ ممکن ایکن لیگینی بیلدیردی. 

شرکت نینگ یوقاری مرتبه لی مسئولی بولگن آلبرت بورلا, "احتمالی بیر سناریو گه کوره, 6 الی 12 آی مابینیده اوچینچی دوز واکسین گه احتیاج حس ایتیله دی و انسان لرنینگ هر ییل ایمله نیشی کیره ک بوله دی.  ینگی ویروس تور لری نینگ کورینیشی بونده ی قرار قیلیشده مهم رول اوینه یدی" دییه قید ایتدی. 

فایزر نینگ معلومات لری نینگ 2 مینگ دن آرتیق کیشی گه تَیَنگن لیگی بیراق واکسین نینگ 6 آی کیین انسان لرنی ویروس گه قرشی قوریدیگن لیگی یاکه قوریمه یدیگن لیگی نینگ انیقله نیشی اوچون ینه ده کوپراق تدقیقاتگه ضرورت ایکن لیگی معلوم قیلیندی.

فایزر و بایونتیک, فبروری آییده ویروس نینگ ینگی تور لری گه قرشی موثریتی نی انیقلش اوچون کووید 19 واکسینی نینگ اوچینچی دوزی نی تست ایتگن لیک لری نی بیلدیرگن ایدی. 

جانسون و جانسون نینگ یوقاری مرتبه لی مسئولی آلکس گورسکی هم عادی توماو واکسینی کبی انسان لرنینگ هر ییل کووید 19 گه قرشی ایمله نیشی کیره ک بولیشی نینگ ممکن ایکن لیگی نی معلوم قیلگن ایدی.