تویتر, ترامپ نینگ حسابی نی یاپیب قویدی

تویتر, امریکا قوشمه ایالتلری دولت رهبری دونالد ترامپ نینگ حسابی نی یاپیب قویگن لیگی نی معلوم قیلدی.

تویتر نینگ خوفسیزلیک تیمی تامانیدن بیریلگن بیاناتده, "ترامپ نینگ سونگگی پیام لری و ارتباط لری نی یقین دن کوزه تدیک و اینیقسه اوشبو پیام لرنینگ قنده ی عکس العمل لر گه سبب بولگن لیگی نی کورگن دن سونگ, ینه ده کوپراق زوانلیک نی تشویق قیله دیگن لیگی سببلی, مذکور حساب نی قالووچی بیر شکلده توخته تیب قویدیک" دییه قید ایتیلدی. 

امریکا قوشمه ایالت لری دولت رهبر لری اوچون آچیلگن رسمی " POTUS " حسابی نینگ آچیق ایکن لیگی کوریندی. 

ترامپ, " POTUS " حسابی آرقه لی بیرگن بیاناتیده, "اوزاق بیر مدت دن بیری تویتر نینگ ایرکین لیک لرنی ممنوع قیلیش بوییچه انچه آلغه کیتگن لیگی نی بیلدیرماقده ایدیم.  و بوگون تویتر مسئول لری, مینینگ سیسیم نی اوچیریش مقصدی بیلن حسابیم نی اوشبو پلاتفورم دن آلیب تشلش اوچون دموکرات لر و افراطی چپ گرا لر بیلن همکارلیک قیلدی" دییه قید ایتدی.

ترامپ, تویتر حسابی نینگ توخته تیله دیگن لیگی نی تخمین ایتگن لیگی نی معلوم قیلدی.

ترامپ, "کوپلب سایت لر بیلن ارتباط ده ایدیک و یقینده مهم بیر نرسه نی اعلان قیله میز.  عینی دمده یقین کیله جکده اوز پلاتفورمی میز نی قوریشی میز هم ممکن. بیزنینگ سیسی میز نی اوچیریشینگیز ممکن ایمس" دییه قید ایتدی. 

تویتر, ترامپ نینگ اوشبو پیامی نی هم اوچیریب تشله دی. 

عینی دمده تویتر, ترامپ نینگ سیلاو کمپاینی تیمی تامانیدن استفاده ایتیلیاتگن "TeamTrump" ناملی حسابی نی هم توخته تیب قویدی.

تویتر, چهارشنبه کونی ترامپ طرفدار لری نینگ کانگرس گه باسیب کیریشی آرتیدن ترامپ نینگ حسابی نی 12 ساعت لیک بیر مدت بیلن توخته تیب قویرایکن, زورانلیککه اونده ش فعالیت لری نینگ دوام ایتیشی تقدیرده اوشبو حساب نینگ بوتونلی یاپیله دیگن لیگی نی بیلدیرگن ایدی.