امریکا ده بیش کیشی جان بیردی

امریکا قوشمه ایالتلریده ۵ کیشی جان بیردی. 

امریکا نینگ آلاسکا ایالتیده ایککی کیچیک طیاره نینگ هوا ده بیر بیر لری بیلن تصادم قیلیشی عاقبتیده ۵ کیشی جان بیردی. 

آلینگن معلومات لرگه کوره, ایچیده اوچ کیشی موجود بولگن کیچیک طیاره بیلن بولگن ارتباط نینگ قطع بولیشی آرتیدن آلاسکا ملی محافظ لری منطقه ده قیدیرو فعالیت لری نی باشله تیب یوباردی. 

خودی منه شوو وقت نینگ اوزیده ایچیده ایککی کیشی بولگن باشقه بیر کیچیک طیاره بیلن بولگن ارتباط نینگ هم توختب قالگن لیگی نینگ کورینیشی آرتیدن طیاره لرنینگ هوا ده تصادم قیلگن بولیش لری احتمالی باره سیده بحث ایتیلیب باشلندی. 

آلیب باریلگن قیدیرو فعالیت لری نتیجه سیده ایککی طیاره نینگ هم بیر بیر لری بیلن تصادم قیلیب بیتهیل شهری نینگ قریب ۱۰۰ کیلومتر شمالی گه قولب توشگن لیگی کوریندی. 

اوشبو طیاره لرنینگ نیمه اوچون تصادم قیلگن لیک لری ایسه انیق ایمس. 

خودی منه شوو حادثه بیلن علاقه لی تحقیقات باشله تیلدی.