بوتاکس حقیده بیر یازوو

بوتاکس حقیده بیر یازوو

هردایم یاش کورینیش و جلدنینگ تازه قالیش آرزوسی انسانلرنینگ علاقه سینی تارتیب آلگن دیر. بونینگ اوچون الهی موجودیتلردن و یولدوزلردن فایده لنیش، جادیگرلرگه مراجعه قیلیشدن قول تارتیلمه گن دیر. بیراق ییللر اوتگن سری قرّیش باسقیچیدن قوتیلیش ممکن بولمه یدی. شونده ی بولیب بوگونگی کونده گی هوا کیرلیلیگی قاله ویرسه آذیق – اوقات و ایچیلگن نرسه لرنینگ طبیعیلیکدن اوزاق بولگن لیگی کوپراق تاثیر قالدیرگنینی کوزگه توتگنده قرّیلیکدن قاچیش ممکن کوریلمه یدی. یاشلیک حجره لری ییل اوتگن سری ضعیفلر ایکن وجودنینگ تشقریسیده بوزولیش یوزبیریب باشله یدی و تیری چیمدیر بولیب لکه تاپیلیب باشله یدی. بناً قرّیلیک که توسیق بولیش ممکن بولمه یدی. خوف بیز آیینه لرگه دشمن بولیشیمیزگه سبب بولگن بو جریانینگ استه – سیکین آلغه باریشی گه توسیق بولیشیمیز ممکن می؟ بو سوالگه جواب اوزاق مدتدن بیری آرایش سکتوری نینگ ساحه سیده قیدیریلماقده ایدی، بیراق خواهلنگن نتیجه طب ساحه سیده قولگه کیریتیلدی.

وجودگه پلاستیک جراحی انسان نینگ گوزه ل حیات اوتکزیش آرزوسینی کورستگن لیگی آلیب باریلگن تحقیقلر نتیجه سیده اثباتلنگن دیر. بو انسان گه خاص بیر عملیات نی اوز ایچگه آلماقده دیر و بو تصادفی تاپیلگن بیر جراحی شکلی دیر. بولردن اینگ کوپ بوتاکس عملی قیلینماقده. بوتاکس جراحیسی 1980 ییللریده داکترلر تامانیدن اینیقسه کوز تنبل لیگی کسل لیگی و کوزی کج بولگنلرگه عملی قیلینیب باشله گن دیر. بیراق بو کسللیکلرنی تداوی قیلیش اوچون عملی قیلینگن جراحی چاغیده داکترلر بوتاکس قیلیب یوزلرنی یایگنده چیمدیرلیکلرنی یوقالگن لیگینی تصادفاً بیلیب قاله دیلر. بوتاکس اینیقسه اورته یاش و اوستیده بولگن خاتین – قیزلر و ایرککلرنینگ کوزلری نینگ اطرافینی شیشگن لیگی و چیمدیر بولگن لیگیدن ناراضیلیک بیلدیریب عملی قیلیب باشنگن. بونینگ بوتونله ی رواجلنیشی 1990 ییللریده یوز جراحیسی ساحه سیده مود بولیب کیتدی. بوتاکس اوچون امریکا قوشمه ایالتلری آذیق – اوقات و داری باشقرمه سی نینگ 2002 ییلیده تصدیقلشی بیلن کسلخانه لرده بولیملر آچیلیش گه باشله دی.

آتی قولگه کیریتیلگن باکتریدن کیلیب چیققن بوتاکس جلدنینگ قتّیق بولیشی گه سبب بولگن نوروتاکسینلرنینگ ملایم قیلیش بیلن بوله دی. بناً داری کبی قوشیلگن زهر باردیر شونده ی بولیب احتیاط قیلیب عملی قیلیش کیره ک. بوتاکس آرقه لی فقط حرکتلی یوز منطقه لریده گی چیمدیرلرنی توزه تیش ممکن. اوزاق مدتدن بیری پیدا بولگن چیمدیرلیکلرنی توزه تیش جوده قین دیر. بوتاکس جلد ویا جراحی پلاستیک ساحه سیده داکترلر تامانیدن عملی قیلینیشی کیره ک. بوتاکس 6 آیگچه تاثیری قاله دی اوندن کیین تکرار عملی قیلیش کیره ک بوله دی. عصبی – رگ کسللیکلری، حامله خاتینلر، انتی بیوتیک داری ایچه دیگنلر و یومورتقه اساسیتی بولگن انسانلرگه بوتاکس قیلیش منع قیلینگن. بوتاکس متخصص بولمه گن کیشیلر تامانیدن عملی قیلینگنده ویا اندازه سیدن کوپ عملی قیلینگنده انسان نینگ جلدیده شیش ویا ایریم ناراحتلیکلر پیدا بوله دی. شونده ی بولیب متخصص بولمه گنلرنینگ اورنیده متخحصص کیشیلرگه بوتاکس قیلدیریش یخشیراق بوله دی.