آیدینلیک و سوو

بیر نهر نینگ یقینیده اوتوررایکن, آلدینگیزدن اوتیب باریاتگن سوونینگ اویینگیزنی آیدینله تیاتگن لیگی, یاکه برقی موتر لر اوچون انرژی تامین ایتیاتگن لیگینی بیلر می ایدینگیز؟

بوگون سوو نینگ انرژی تولیدی بوییچه اهمیتی و تورکیه نینگ سوو ظرفیتی نی اسره ب قالیش اوچون آلیب باریاتگن پروژه لری حقیده سوز یوریته میز. 

تورکیه نینگ برقی نینگ اوچ دن بیر قسمی, 32 مینگ 400 میگاوات بیلن هایدروالکتریک سنترال لردن تامین ایتیلماقده. 

تازه و ینگی له نه آله دیگن بیر برق تولید سیستمی اوله راق اهمیت کسب ایتگن هایدروالکتریک سنتراللر, انرژی تولیدی جریانیده هیچ قنده ی بیر قالدیق و کاربن نینگ پیدا بولیشی گه سبب بولمه یدی و تورکیه نینگ انرژی ضرورتی نینگ تامین ایتیلیشیده کتته حصه قوشماقده. 

میلادی 2002- ییلدن بیری آره سیده یوسف ایلی, ایلی سوو, دیرین ار و ارمَنَک بندلری و هایدروالکتریک سنتراللری سنگری جهان بویلب مهم پروژه لرنینگ اورین آلگن 625 هایدروالکتریک سنترال دن فایده له نیله باشلندی. 

ییگیرمه ایکّی ییل آلدین 45 میلیارد کیلوات ساعت بولگن ییللیق هایدروالکتریک تولید ظرفیتی تقریباً 112 میلیارد کیلوات ساعت گه ییتدی. 

هایدروالکتریک 32 مینگ 400 میگاوات بیلن تورکیه نینگ توپلم برقی نینگ اوچ دن بیر قسمی نی تامین ایتماقده.  باشقه چه قیلیب ایتگنده تورکیه ده گی هر اوچ گروپ دن بیری هایدروالکتریک سنتراللر دن کیلیاتگن برق بیلن یانماقده. 

یوسف ایلی بندی و هایدروالکتریک سنترالی, 275 متر یوکسک لیگی بیلن تورکیه نینگ اینگ بلند, دنیا نینگ ایسه اوز کتگوریسیده 5- اینگ یوکسک بندی عنوانی گه ایگه.  اوشبو پروژه, ییللیق اورته چه 1,9 میلیارد کیلوات ساعت برق تولیدی ظرفیتی بیلن 2,5 میلیون کیشی نینگ برق بوییچه ضرورتی نی تامین ایتیب بیره آله دی. 

ایلی سوو بندی و هایدروالکتریک سنترالی تولید ظرفیتی جهتی دن اتاتورک, قاره قایه و قابان بند لری آرتیدن تورکیه نینگ اینگ کتته تورتینچی سنترالی دن عبارت.

میلادی 2020- ییل 19- می کونی دستلبکی تولیداتی گه باشله گن, میلادی 2020- ییل 23- دسامبر کونی 100 فایز فعالیت گه باشله گن اوشبو مرکز, حاضرگی کون گه قدر 8 میلیارد کیلوات برق تولیدی بیلن اولکه نینگ اقتصادی گه تقریباً 23 میلیارد لیره لیک حصه قوشدی.

دیرین ار بندی و هایدروالکتریک سنترالی ایسه 249 مترلیک یوکسک لیگی بیلن یوسف ایلی دن سونگ تورکیه نینگ اینگ یوکسک 2- بندی عنوانی گه ایگه بولیب, 670 میگاواتلیک کوچی بیلن ییللیق اورته چه 2 میلیارد 118 میلیون کیلوات ساعت برق تولید ایته آله دی. 

هایدروالکتریک انرژی بوییچه خلق ارا مقیاسده تورکیه 32 جیگاوات بیلن دنیا ده 9- و اروپاده ایسه 2- اوریننی ایگللرایکن, چین 415 مینگ میگاوات بیلن بیرینچی, برازیل 110 مینگ میگات بیلن ایکّینچی و امریکا قوشمه ایالتلری 102 مینگ میگاوات بیلن اوچینچی اورین گه ایگه. 

تورکیه نینگ بند لر بیلن علاقه لی سرمایه گذارلیک لری, برق تولیدی جهتی دن کتته اهمیت گه ایگه لیکن بند لرنینگ قوریلیشی گه فقط گینه اوشبو جهت دن اهمیت بیریلمه یدی.

تورکیه ایسه هر بیر کیشی نینگ استفاده ایته آلیشی ممکن بولگن سوو مقداری جهتی دن قیین چیلیککه دوچ کیله دیگن اولکه لر قطاریده قبول قیلینماقده.  موجود معلوماتلر گه کوره, حاضرگی کونده هر کیشی اوچون 1 مینگ 519 متر مکعب بولگن سوو مقداری نینگ میلادی 2030- ییلده نفوس نینگ 100 میلیون بولیشی بیلن بیرگه بیر مینگ 100 متر مکعب گه توشیشی کوتیلماقده.  اوشبو وضعیت نینگ اوزی ایسه تورکیه نی سوو جهتی دن قشاق بیر اولکه گه ایلنتیریب قویه دی. 

شوباعث سوو دن یخشی بیر شکلده فایده له نیش بوییچه ینه مهم بیر پروژه آلیب باریلماقده. 

حاضرگی کونده سوو دیپولش مرکز لری نینگ سوو توپلش ظرفیتی 186 میلیارد متر مکعب ایکن, میلادی 2025- ییل گه قدر اوشبو رقم گه ینه 8 میلیارد نینگ قوشیمچه قیلینیشی هدف قیلیب آلینگن وضعیتده. 

تورکیه ده 246 ییر آستی سوو بندی قوریلماقده.  اوشبو بند لر "ییر آستی سوو نی تقویه قیلیش مرکزی" دیب ناملنماقده. 

حاضرگی کون گه قدر 150 بند نینگ قوریلیش ایشلری نینگ تکمیل بولگن لیگی بیلدیریلماقده.  تکمیل بولگن ییر آستی بند لریدن ایسه 36 مینگ متر مربع لیک ساحه سوغاریش سووی و 21 میلیون هکتومتر مکعب ایچیله دیگن سوو تامین ایتیلدی. 

ییر آستی بندلرده توپله نیب قالگن سوو دن کیره ک بولگن تقدیرده تشقری چیقریب استفاده ایتیش ممکن.  ییر آستیدن دینگیز گه شیرین سوو نینگ آقیب کیتیشی نینگ آلدی آلینماقده.  شور و شیرین سوو بیر بیر لری بیلن قوشیلیب قالمه یدی و بخارله شیش نینگ آلدی آلینگن بوله دی.