غرب نورماتیف اوستین لیگینی قولدن بیرماقده

غزه ده دوام ایتیاتگن اسرائیل هجوم لری سببلی هرکون کوپلب عادی اهالی نینگ حیاتینی یوقاتیاتگن بیر وضعیت حاکم.  بوندن تشقری غزه ده چقه لاق لر, باله لر, حامله عیال لر و توغیلمه گن باله لر اولدیریلیب یره لنگن کیشی لرنی انتقال ایتدیریاتگن امبولانس لر هدف قیلیب آلینماقده.  سوو, یاقیلغی و انترنت سنگری خدمت لر توختب قالرایکن, کسلخانه لر, مکتب لر و مهاجر لرنینگ یشیاتگن کمپ لر بمباردمان قیلینماقده.  اون مینگلب عادی اهالی اوز اوی لرینی ترک ایتیش گه مجبور بولیب قالرایکن, غربی نوارده فلسطین لیک لر اسرائیل حربی لری تامانیدن قولگه آلینماقده.  ناقانونی یهودی ناقللر قورالسیز فلسطین لیک لر گه قرشی ترورچیلیک فعالیت لری آلیب باررایکن, اسرائیل عسکر لری نازی لرنینگ یهودی لرگه قیلگن ایشینی تقلید ایته دیگن شکلده نظارت آستیده گی کیشی لرنی کیشنله ماقده. 

سونگّی 40 کوندن بیری دوام ایتیاتگن اوشبو قیرغین لر, اسرائیل نینگ سوزده مشروع مدافعه حقی اوله راق کورسه تیلماقده.  اسرائیل باش وزیری نتنیاهو, یهودی لرنینگ دینی اوستین لیگی نی مطرح قیلرایکن, تئوپلتیک سوز لری واشنگتن تامانیدن جدی بیر شکلده قبول قیلینماقده. 

افسوس که امریکا قوشمه ایالتلری داخل غرب اولکه لری نینگ مهم بیر قسمی عکس العمل کورستمه گن لیگی دیک, اسرائیل نینگ مشروع مدافعه حقی دیب بحث ایتیاتگن نرسه نی بویوک مقیاسده حمایت قیلماقده.  غرب مطبوعاتی اوشبو وحشت نی طرفلی بیر شکلده بیر تامانلمه اوله راق عکس ایتدیرماقده.  غزه ده اولدیریلگن چقه لاق لر, باله لر و عیال لر"اولدی" شکلیده بیلدیریلرایکن, اسرائیلده حیاتینی یوقاتگن لر ایسه "اولدیریلدی" دییه نشر ایتیلماقده.  اسرائیل نینگ هجوم لرینی مشروع لشتیریش بوییچه اوشبو ایکّی یوزله مه چیلیک, خلق ارا جامعه ده اسرائیل اوچون "استثنایی" بیر موقف تشکیل ایتگن لیگی نینگ انیق کورستگیچی دن عبارت. 

اسرائیل گه بیریلگن اوشبو استثنایی موقف, غزه قیرغین لری نینگ انعکاسی نینگ جئوپلتیک بیر وضعیتدن باشقه بیر نرسه گه ایله نیب قالگن لیگینی کورستماقده.  40 کوندن بیری دوام ایتیاتگن اوشبو حادثه لر, مدرن خلق ارا سیستم نینگ سوزده آلغه کیتیش سیاستی نی عکس ایتدیرماقده.  باشقه چه قیلیب ایتگنده وضعیت نی یخشی لشتیریاتگن لیگی اویلنگن سیاست نینگ یمان تامانی نی کورستماقده.  موجود وضعیت غرب نینگ حاکمیتی نینگ کینگ کولملی بیر شکلده ناکام بولیاتگن لیگی نینگ انیق کورستکیچی دن عبارت. 

مدرن خلق ارا سیستم فقط گینه مادی کوچ گه بناً قوریلمه گن؛ عینی دمده میلادی 1945- ییلده بیرلشگن ملتلر تشکیلاتی نینگ قوریلیشی بیلن بیرگه قاعده لر گه اویغون بیر خلق ارا نظم هم مطرح بولیش گه حرکت قیلیندی.  دولت لر, خلق ارا مقیاسده تشکیلات لر قوریب اوروش لرنینگ آلدینی آلیش و تینچ بیر خلق ارا سیستم قوریش گه حرکت قیلدی.  ایکّینچی جهان اوروشی دن کیین انسان حق لری نینگ مطرح بولگن کوپلب حجت لر قبول قیلیندی.  مقصد ایسه دولت لرگه اوشبو قاعده لر بوییچه مسئولیت تاپشیریب تینچ بیر خلق ارا سیستم قوریشدن عبارت ایدی.  لیکن, سیستم نینگ اساسچیسی بولگن غربی اولکه لر اوشبو قاعده لرگه اویغون حرکت قیلیش بوییچه موفقیتسیزلیککه اوچره دی.  اینگ مهمی ایسه, غرب حاکمیتی نینگ کوچه یتیریلیشی اوچون اوشبو قاعده لردن بیر وسیله اوله راق استفاده قیلیندی. 

غربی اولکه لرنینگ اسرائیل نینگ غزه ده گی وحشتی گه قرشی کورستگن عکس العملی, غرب نینگ قولب کیتیاتگن نورماتیف اوستین لیگینی ینه ده کوپراق عکس ایتدیرماقده.  اوشبو اوستین لیک نینگ یوق بولیشی غزه بیلن باشله مه گن.  غرب نینگ سوزده نورماتیف حاکمیتی نینگ ایشانرلیگی آلدین دن یوق بولگن ایدی.  امریکا قوشمه ایالتلری ساخته ادعا لر بیلن عراق نی اشغال قیلدی و اوشبو حادثه عاقبتیده تقریباً بیر میلیون کیشی حیاتینی یوقاتدی.  عرب عصیان لری باشله گنده, دموکراسی سوزی دن فقط گینه بیر وسیله اوله راق استفاده ایتیلگن ایدی. مصرده السیسی باشچی لیگیده گی کودتا آرتیدن غرب مطبوعاتی بونی "دموکراسی نینگ قیته قوریلیشی" اوله راق انعکاس ایتدیردی.  کیین السیسی اروپا پایتخت لریده اورته شرقده برقرارلیک نینگ سمبولی اوله راق کوتیب آلیندی.  غرب سوریه ده کیمیاوی قورال دن فایده له نیلیشی گه قرشی جدی عکس العمل کورستمه دی.  امریکا قوشمه ایالتلری سوریه نینگ شمالیده داعش گه قرشی کوره ش بهانه سی بیلن ترور تشکیلاتی پ.ک.ک نینگ بیر بولیمی دن عبارت وای پی جی بیلن همکارلیک قیلدی.  فرانسه, لافاژ شرکتی نینگ سوریه ده داعش کنترولیده گی منطقه لر ده فعالیت کورسه تیشی گه اجازت بیردی.  کوپلب اروپا اولکه سی پ.ک.ک نی ترور تشکیلاتی اوله راق قبول قیلرایکن, اوز حدودلری ایچیده پ.ک.ک نینگ فعالیت لری گه اجازت بیردی.  بولرنینگ همه سی غرب نینگ نورم دن فقط گینه ستراتیژیک منفعت لری اوچون استفاده ایتیاتگن لیگی بوییچه مثال لرنی تشکیل ایتماقده. 

روسیه نینگ اوکراین نی اشغال قیلیشی آرتیدن غرب, ولادیمیر پوتین نی حاضرگی کونده گی هیتلر گه اوخشه تدی. اونی عادی اهالی نی اولدیریاتگن, انسان لرنی اوز توپراق لریده مهاجر قیلیب قویگن و اوکراین نینگ ارضی تمامیتی نی تهدید ایتیاتگن بیر دیکتاتور اوله راق قبول قیلدی.  لیکن بو نورماتیف سیاست, اسرائیل نینگ غزه ده گی رحم سیز حربی عملیاتی آرتیدن اوزگریب قالدی. 

غرب نینگ نورماتیف اوستین لیگی نینگ آرقه گه کیتیشی اوتکینچی بیر گپ دن عبارت ایمس و مهم نتیجه لر گه سبب بوله دی.  اینگ مهم نتیجه لردن بیری, نورم لرنینگ موجود بولمه گن خلق ارا بیر سیستم نینگ کنترول سیز بیر شکلده پیدا بولیش احتمالی دن عبارت.  بو جوده مهم. زیرا قاعده سیز بیر سسیستم انارشیزم نینگ پیدا بولیشی گه سبب بوله دی.  ایکینچی سی ایسه غرب و غربی بولمه گن تامان لر اورته سیده گی فرق نینگ چقورله شیشی و هویت گه اساسلنگن کیلیشمووچیلیک لرنینگ آرتیب کیتیشی دن عبارت.  اوشبو ریسک 7- اوکتوبر دن بیری اینیقسه غرب نینگ اوز ایچیده چقورلشگن وضعیتده.  اوچینچی احتمالی نتیجه, غرب نینگ خلق ارا جنوب نی خارجی لشتیریشی دن عبارت.  خلق ارا جنوب اسرائیل نینگ وحشتی مقابلیده غزه نینگ یانیده اورین آلماقده.  تورتینچی سی, روسیه و چین نینگ موجود سیاسی کوچی نینگ آرتیریلیشی دن عبارت بولیب, اوشبو ایکّی اکتور اوز نورم لری گه اویغون ارزش لر گه اساساً اجتماعی نظم قورماقده.  بیشینچیسی ایسه اسلام عالمی نینگ غرب نینگ تشقریسیده جئوپلتیک بیر محور گه جایلشتیریلیشی احتمالی دن عبارت. 

نتیجه ده, غزه گه قره تیلگن هجوملریده اسرائیل گه بیریلگن استثنایی موقف, غرب نینگ سوزده نورماتیف اوستین لیگی نینگ سونگّی نی ایما ایتماقده و غرب نی اخلاقی و سیاسی بیر معما گه دوچ قیلماقده.