توقیمه چیلیک سکتوریده سوو دن فایده له نیش میزانی کونساین آرتیب بارماقده

بیرلشگن ملتلر تشکیلاتی تجارت و رواجله نیش کنفرانسی (UNCTAD) و اروپا پارلمانی راپور لری گه کوره, جهان بویلب توقیمه چیلیک ساحه سیده ییلده 79 میلیارد متر مکعب گه یقین سوو دن استفاده ایتیلماقده. 

ییلده 5 میلیون انسان نینگ سوو ضرورتی نینگ تامین ایتیلیشی اوچون ییترلی بولگن اوشبو مقدار نینگ, میلادی 2030- ییلده 120 میلیارد گه کوتریلیب کیته دیگن لیگی اویلنماقده. 

پخته دن تیارلنگن بیر تی شورت نینگ تولیدی اوچون تقریباً 2 مینگ 700 لیتر سوو مصرف قیلینرایکن, اوشبو رقم بیر کیشی نینگ 2 یریم ییللیک ایچه دیگن سووی نی تشکیل ایتماقده. 

بیر کاوبای دریشی سی نینگ تولیدی اوچون استفاده ایتیله دیگن تقریباً 7 مینگ 500 لیتر سوو ایسه بیر کیشی نینگ 7 ییللیک ایچه دیگن سوو مقداری گه تینگ. 

میلادی 2000- و 2015- ییل لر آره سیده کییم تولیدی ایکّی قَوَت گه آشیب کیترایکن, اوشبو کییم لرنینگ استفاده ایتیلیشی میزانی مود اوزگریشی سببلی انچه آزه ییب بارماقده. 

مستعمل کییم لرنینگ یریمی دن آزی قیته باشدن استفاده ایتیلیش و قیته ایشلش اوچون توپله نرایکن, خوددی شوو لباس لرنینگ فقط گینه 1 فایزی ینگی کییم لرگه ایلنماقده. 

انرژی آرتیدن اطراف- محیط نی اینگ کوپ کیرله تیاتگن ایکّینچی سکتوردن عبارت مود سکتوری, خلق ارا کاربن ایمیشنی نینگ هم 10 فایزی نی تشکیل ایتماقده.  اوشبو مقدار, خلق ارا پرواز لر و کیمه ترانسپورتی نینگ سبب بولگن کاربن ایمیشنی نینگ توپلمی دن هم  کوپراق. 

محصولات نی اویغون ایسسیق لیکده یوویش, مناسب درجه ده قوریتیش و بعضی کییم لرنینگ معلوم قیلینگن شکللری گه اویغون بیر شکلده مسلکی کیشی لر تامانیدن یوویلیشی انچه مهم. 

اوشبو دایره ده هم استفاده ایتیلگن سوو و همده انرژی مقداری کمه یگن بوله دی. 

عینی دمده توقیمه چیلیک سکتوری نینگ قیته ایشلش گه سرمایه گذارلیک قیلیشی و استفاده ایتیلگن سوودن فایده له نیش گه اهمیت بیریشی کیره ک. 

باشقه بیر تاماندن ایسه استفاده ایتیلگن سوو فلتر قیلینیب قیته باشدن فایده له نیلیشی هم ضروری.  اینیقسه استفاده ایتیلگن سوو نینگ 70 فایزی دن قیته باشدن فایده له نیش نینگ ممکن ایکن لیگینی ایسدن چیقرمس لیک کیره ک. 

 منبع: انادولو آژانسی