بیر قطب لیک دنیا نظامی اداققه ییتماقده

امریکا قوشمه ایالتلری باشچی لیگیده بیر قطب لیک دنیا نظامیده راحت بیر حیاتی بولگن غرب گه قرشی رقابت موجود.

کوپلب متخصص لر نینگ, امریکا قوشمه ایالتلری و چین نینگ موجود بولگن ایکّی قطب لیک بیر دنیا نظامیدن بحث ایتیاتگن لیگی گه قره مسدن, اوزی نی اوشبو ایکّی دولت دن هم اوزاق کورسه تیاتگن و ملی منفعت لری گه اهمیت بیریاتگن کوچلر بار. 

اوشبو توغریده تورکیه, سعودی عربستان, هندوستان و اندونزیا مثال قیلیب کورسه تیلماقده.

تورکیه بیواسطه بیر قطب ده اورین آلمه گن اولکه لر دن اینگ مهمی نی تشکیل ایتماقده. 

تورکیه اوزاق ییللردن بیری اوز منفعتی گه اویغون سیاست آلیب باریب شرطسیز بیر شکلده غرب یاکه باشقه اولکه لرنینگ یانیده اورین آلمه دی. 

روسیه- اوکراین اوروشیده گی تورکیه نینگ اویغون سیاستی نی اوشبو توغریده اینگ مهم مثال قیلیب کورسه تیش ممکن.  عینی دمده سویدن و فنلاند نینگ ناتو اعضالیگی بوییچه تورکیه نینگ سیاستی هم, انقره نینگ اوز منفعت لرینی کوزه تیاتگن بیر کوچ دن عبارت ایکن لیگینی کورستماقده. 

سعودی عربستان بیلن هندوستان هم اوشبو اولکه لر آره سیده مثال قیلیب کورسه تیلماقده. 

سعودی عربستان نینگ بریکس گه قوشیلیشی ایسه, عنعنوی متفقی بولگن امریکا قوشمه ایالتلری بیلن کونساین آرتیب باریاتگن منفعت کیلیشمووچیلیگی بوییچه بیر مثال نی تشکیل ایتماقده. 

سعودی عربستان نینگ پطرول تولیدی نی آزه یتیریش بوییچه قرار لری نینگ هم ایکله اولکه اورته سیده گی کیلیشمووچیلیک لر گه سبب بولیاتگن لیگی بیلینماقده. 

سعودی عربستان, چین بیلن یقینله شیب امریکا قوشمه ایالتلری گه قرشی رقابت کوچی نی آرتیرماقچی. 

بریکس اعضاسی بولگن هندوستان ایسه چین حاکمیتی دن تاثیرله نیشدن تارتینماقده. 

هندوستان باش وزیری نارندرا مودی نینگ واشنگتن و پاریسده گی اوچره شوو لری هر شرایطده چین نینگ یانیده بولمه یدیگن لیک لری نینگ کورستگیچی دن عبارت. 

هندوستان نینگ بریکس نینگ دالر نینگ حاکمیتی دن قوتیلیش اوچون پیشنهاد قیلگن پولی واحدی نی رد ایتگن لیگی هم مهم بیر مثال نی تشکیل ایتماقده. 

آلمان هم ایکله قطب ده اورین آلمه ی اوز منطقوی قطبی نی تشکیل ایتیش گه حرکت قیلیاتگن اولکه لر قطاریده اورین آلماقده.  قطعه اروپا سی نینگ آنگلوساکسون دولت لرنینگ منفعت لریدن فرقلی هدف لری نینگ موجود ایکن لیگی بونینگ اینگ کتته سببی دن عبارت. 

امریکا قوشمه ایالتلری محوری دن چیقیب اوز منفعت لری اوچون اِنتیلیاتگن بیر اروپا اتفاقی ینگی بیر منطقوی قطب تشکیل ایتیش ظرفیتی گه ایگه.  بونینگ یولی ایسه آلمان باشچی لیگیده منطقوی بیر قطب نینگ تشکیل ایتیلیشی دن عبارت. 

اوز منطقوی قطب لرینی تشکیل ایته آلیش کوچی گه ایگه کوچلی دولت لر و بیرلیک لر, اینگ کوپ منفعت نی هم مطرح قیلیش ظرفیتی گه ایگه.  بونینگ سببی ایسه موازنه سیاستی و تامان لرنی بیر بیر لری گه مخالف قیلیب قولگه کیریته دیگن منفعت لر دن عبارت. 

امریکا قوشمه ایالتلری و چین اورته سیده گی مناسبت لرنینگ رقابت دن اوتیب دشمن لیک سویه سی گه کیلیب قالگن لیگی ایسه اوشبو توغریده شرایط تامین ایتیب بیرماقده. 

ینگی دنیا نظامی گه اوتیشده پیدا بوله دیگن بوشلیک نی یخشی بهالنتیره دیگن اولکه لر, 21- عصر نینگ پارله گن یولدوز لریدن عبارت بوله دی. 

منبع: تی آر تی خبر